வெளியில் இருந்து பார்க்கும்போது அழகாய் தெரியும் வனப்பகுதிகளில் வாழும் மக்களின் அவதிகளையும், அங்கே ஒரு காதல் ஜோடிக்கு நடக்கும் பிரச்சினைகளையும் கதைக்களமாக கொண்ட படம் ‘வேட்டைக்காரி.’
ராகுல் கதாநாயகனாக நடிக்க, சஞ்சனா சிங் கதாநாயகியாக நடித்துள்ளார். வின்சென்ட் அசோகன், கஞ்சா கருப்பு உள்ளிட்ட பலரும் நடித்துள்ளனர்.
இந்த படத்தின் தலைப்பு கவிஞர் வைரமுத்து வைத்தது என்பது விசேஷ செய்தி.
படத்தின் இயக்குநர் காளிமுத்து காத்தமுத்து, பாடல்களுக்காக கவிஞர் வைரமுத்துவிடம் கதையைச் சொன்னதும், கதை மிகவும் பிடித்துப் போக, ‘படத்திற்கு வேட்டைக்காரி என தலைப்பு வைங்க, படம் மக்களிடையே சிறப்பாக சென்று சேரும்’ என்று சொல்லி, இயக்குநர் மற்றும் தயாரிப்பாளரை வாழ்த்தினாராம் வைரமுத்து.
ராஜபாளையம் அருகே மேற்கு தொடர்ச்சி மலை உச்சியில் எழிலாய் அமைந்துள்ள ஏலக்காய் தோட்டப் பகுதிகளில் படப்பிடிப்பு நடத்தி முடிக்கப்பட்டுள்ளது.
கவிப்பேரரசு வைரமுத்துவின் வைர வரிகளில் அமைந்த பாடல்கள் விரைவில் வெளியாகவிருக்கிறது. அதை தொடர்ந்து படம் திரையரங்குகளில் வெளியாகவிருக்கிறது.
படக்குழு:
தயாரிப்பு: ‘ஸ்ரீ கருப்பர் பிலிம்ஸ்’ விஷ்ணுப்பிரியா வேலுச்சாமி
கதை, திரைக்கதை, வசனம், இயக்கம்: காளிமுத்து காத்தமுத்து
இசை: ஏ.கே.ராம்ஜி
ஒளிப்பதிவு: கே.ஆறுமுகம்
நடனம்: பவர் சிவா