கமர்ஷியல் நடிகர், நடிகைகள் நடிக்க ‘உனக்கும் மேலே’ என்ற திரைப்படம் உருவாகிறது.

டான்ஸ் மாஸ்டர் தினேஷ் நடித்த ‘நின்னு விளையாடு’ என்ற படத்தை தயாரித்து வெளியிட்ட ‘ராஜ் பீக்காக் மூவிஸ்’ தனது இரண்டாவது படைப்பாகஇந்த படத்தை தயாரிக்கிறது.

நட்டி நடித்த ‘குருமூர்த்தி’ படத்திற்கு வசனம், பாடல் எழுதிய, ‘நின்னு விளையாடு’ படத்திற்கு பாடல் எழுதி தயாரித்த கீர்த்திவாசன் இந்த படத்திற்கு கதை, திரைக்கதை, வசனம் எழுதி இயக்குகிறார்.

கடந்த விஜயதசமியன்று, மோகன்ராஜன் பாடல் எழுத, ‘குருமூர்த்தி’, ‘நின்னு விளையாடு’ படங்களுக்கு இசையமைத்த சத்யதேவ் உதயசங்கர் இசையமைக்க, ‘ரஞ்சிதமே ரஞ்சிதமே’ என்ற பாடலை இளைய தளபதி விஜய்யுடன் சேர்ந்து பாடிய எம்.எம்.மானசி பாட, பாடல் பதிவுடன் உனக்கும் மேலே படத்தின் டைட்டில் வெளியிடப்பட்டது.

கேரளா, கர்நாடகா, ஊட்டி, குன்னூர், பாண்டிச்சேரி, சென்னை மற்றும் வட மாநிலங்களில் வரும் தைப்பொங்கல் தினத்தில் படப்பிடிப்பு துவங்கவிருக்கிறது.