மார்வெல் சினிமாடிக் யுனிவர்ஸில் (MCU) இருந்து வெளிவந்திருக்கும் 33-வது சூப்பர் ஹீரோ திரைப்படம் ‘தி மார்வெல்ஸ் (2023).’
கேப்டன் மார்வெல், மோனிகா ரேம்போ, மிஸ் மார்வெல் உள்ளிட்ட மார்வெல் காமிக்ஸ் கதாபாத்திரங்களை அடிப்படையாகக் கொண்டு கதைக்களம் அமைக்கப்பட்டுள்ளது.
‘தி மார்வெல்ஸ்’ 2019-ல் வெளிவந்த ‘கேப்டன் மார்வெல்’ படத்தின் தொடர்ச்சியாக உருவாகியுள்ளது. ப்ரீ லார்சன் நடிப்பில் வெளியான அந்த சாகச படத்தின் மூலம், மார்வெல் சினிமாடிக் யுனிவர்ஸின் முதல் பெண் சூப்பர் ஹீரோ கேப்டன் மார்வெலை உளகளாவிய பார்வையாளர்களுக்கு அறிமுகம் செய்தது.
மூன்று சக்திவாய்ந்த சூப்பர் ஹீரோக்கள், பெரும் அழிவு சக்திகளை உருவாக்கி வில்லனால் அச்சுறுத்தலுக்கு உள்ளாகும் விண்மீன் திரளைக் (Galaxy) காப்பாற்ற ஒருங்கிணைப்பதே ‘தி மார்வெல்ஸ்’ படத்தின் கதை.
கெரோல் டான்வெர்ஸ் எனும் கேப்டன் மார்வெலாக ப்ரீ லார்சனும், ஃபோட்டான் எனும் மோனிகா ராம்போவாக டியோனா பாரிஸும், கமலா கான் எனும் மிஸ் மார்வெலாக இமான் வெல்லானியும் நடித்துள்ளனர்.
Nia Da Costa இயக்க, Sean Bobbitt ஒளிப்பதிவு செய்துள்ளார். Laura Karpman இசையமைத்துள்ளார்.
தமிழ், தெலுங்கு, ஆங்கிலம்,ஹிந்தி மொழிகளில் இந்தியா முழுவதுமுள்ள திரையரங்குகளில் தீபாவளி வெளியீடாக ரிலீஸாகியுள்ளது.