நகுல் நாயகனாக நடிக்கும் புதிய படம் ‘டுடே ஸ்பெஷல்.’
தமிழ்த் திரைப்பட தயாரிப்பாளர்கள் சங்கத்தின் செயற்குழு உறுப்பினரான திருமலை இந்த படத்தை இயக்குகிறார். பிரபல நாயகி ஒருவரும், கூல் சுரேஷும் நடிக்கவுள்ளதாக தெரிவிக்கிறது படக்குழு.
படத்தை ‘டி.கிரியேஷன்ஸ்’ சார்பில் எம். திருமலை மற்றும் ஜெசிகா இருவரும் இணைந்து வழங்குகின்றனர்.
இந்த படத்தின் துவக்க விழா ‘டி.கிரியேஷன்ஸ்’ அலுவலகத்தில் நடந்தது. நிகழ்வில் படத்தின் நாயகன் நகுல், நாயகி அர்த்தனா பினு, நய்னா சாய், ரவிமரியா உள்ளிட்டோருடன் மகேந்திரகுமார், நாகர், காபர் அலி, பி.ஆர். சண்முகம் உள்ளிட்டோர் கலந்து கொண்டனர்.
படம் பற்றி இயக்குநரிடம் கேட்டபோது, ‘‘டுடே ஸ்பெஷல் நான் இதுவரை இயக்கிய படங்களில் முற்றிலும் மாறுபட்டு, முழுவதும் வேறுபட்டு இன்றைய சமூக அவலங்களை களைவது பற்றிய கமர்ஷியலான அனைத்து தரப்பும் விரும்பும் வகையிலான படமாக இருக்கும். படத்தின் விரிவான கதையை விரைவில் மக்களுக்கு தெரியப்படுத்துவேன். விரைவில் படப்பிடிப்பு துவங்கவிருக்கிறது” என்றார்.
திருமலை ‘தி.நகர்’, ‘காசேதான் காசேதான் கடவுளடா’, ‘அகம்புறம்’, ‘மான் வேட்டை’ ஆகிய படங்களைத் தயாரித்து இயக்கியவர்; ‘நெல்லை சந்திப்பு’ படத்தை தயாரித்தவர்.
படக்குழு:-
ஒளிப்பதிவு – ஒய்.என். முரளி
இசை – சித்தார்த் விபின்
வசனம் – வேலு சுப்ரமணியம்
படத்தொகுப்பு – சந்துரு
நடனப் பயிற்சி – கந்தாஸ், பாபி
சண்டைப் பயிற்சி – ‘ஸ்டண்ட்’ சிவா
மக்கள் தொடர்பு – விஜயமுரளி, நித்தீஷ் ஸ்ரீராம்