உண்மையும் நகைச்சுவையும் கலந்த படைப்பாக உருவாகியுள்ளது ‘திரையின் மறுபக்கம்.’
படத்தை தயாரித்து கதை,திரைக்கதை, வசனம் எழுதி இயக்கியிருக்கிறார் நிதின் சாம்சன்.
தமிழ் சினிமா ரசிகர் சத்யமூர்த்தி ஓரு விவசாயி. அவர் வாயால் வடை சுடுகிற இயக்குநர் செந்திலிடம் பேச்சை நம்பி நிலத்தை வைத்து படம் தயாரிக்கிறார்.
படத்தை இயக்கும் திறமை இல்லாத செந்தில், சத்யமூர்த்தியின் வீட்டை திரைப்பட பைனான்சியர் அன்பரசியிடம் அடமானம் வைக்கிறார்.
செந்தில் படம் பண்ணுவதில் பயங்கரமாக சொதப்ப, விவசாயி சத்யமூர்த்தி செந்திலை நீக்கிவிட்டு படத்தின் ஹீரோ, துணை இயக்குநர் உதவியோடு படத்தை முடிக்கிறார். இந்த நிலையில் அன்பரசியிடமிருந்து நெருக்கடி உருவாகிறது. அவரிடமிருந்து சத்யமூர்த்தி தப்பினாரா என்பதும் படத்தை வெளியிடுவதில் என்னென்ன சிக்கல்களை சந்திக்கிறார் என்பதுமே கதை.
சென்னை,செங்கல்பட்டு, அமெரிக்காவின் புளோரிடா உள்ளிட்ட பகுதிகளில் படப்பிடிப்பு நடந்துள்ளது.
இந்த படம் விஜய் நடித்துள்ள ‘லியோ’ படம் வெளியாவதற்கு மறுநாள் அக்டோபர் 20-ம் தேதி தமிழகமெங்கும் 60 தியேட்டர்களில் வெளியாகிறது.
