சாக்ஷி அகர்வால், அருண் பிரசாத், ஶ்ரீனிவாசன், தீபிகா, ஆகியோர் முக்கிய கதாபாத்திரங்களில் நடிக்கும் ‘தீ ஸ்டிங்கர்’ என்ற படத்தை பி ஹரி எழுதி இயக்குகிறார். பிரபல நடிகையொருவர் கதையின் நாயகியாக நடிக்கவிருக்கிறார்.
படம் சயின்ஸ் ஃபிக்ஷன் திரில்லராக மிகமிக வித்தியாசமான கதையம்சத்தில் தமிழ் சினிமா இதுவரை கண்டிராத படைப்பாக உருவாகிறது. உலகத் தரம் வாய்ந்த தொழில் நுட்பத்துடன் சி ஜி மற்றும் வி எஃப் எக்ஸ் பணிகளை பீனிக்ஸ் ஃபிலிம் மேக்கர் ஸ்டுடியோ மும்பையை சேர்ந்த அனுபவமிக்க கலைஞர்களை கொண்டு உருவாக்குகிறது.
வீ.ஆர். சினி கிரியேஷன்ஸ் டாக்டர் அருண் பிரசாத்தின் முதல் தயாரிப்பு இது. அனிமேஷன் வேலைகள் முடிந்த நிலையில், தமிழ்நாட்டின் பல்வேறு இடங்களில் விரைவில் படப்பிடிப்பு நடத்த படக்குழு தயாராகிறது.
படம் பற்றி பேசிய இயக்குநர் ”ஏலியன், சிலபல மிருகங்கள் என கலந்திருக்கும் கதைக்களம் ரசிகர்களுக்கு விஷுவல் டிரீட்டாக அமையும்” என்றார்.
படக்குழு:-
சபரி – ஒளிப்பதிவு
எம் எஸ் காமேஷ் – இசை
மணிகுமரன் சங்கரா – படத்தொகுப்பு
முஜிபூர் ரஹ்மான் – கலை
வீர் விஜய் – சண்டைப் பயிற்சி
கே ஹெச் ஜெகதீஸ் – தயாரிப்பு மேற்பார்வை