இயக்குநர் செல்வராகவன் கதாநாயகனாகவும், அவருக்கு ஜோடியாக பிரபல நடிகை குஷி ரவி இணைந்துள்ள படத்தை டெனிஸ் மஞ்சுநாத் இயக்கி வருகிறார்.
தற்காலிகமாக Untitled Production No.1 என பெயரிடப்பட்டுள்ள இந்த படத்தின் படப்பிடிப்பு வெற்றிகரமாக நிறைவடைந்துள்ளது.
படத்தில் ஒய் ஜி மகேந்திரன், மைம் கோபி, கௌசல்யா, சதீஷ், தீபக், ஹேமா, லிர்திகா, என். ஜோதிகண்ணன் ஆகியோர் முக்கிய வேடங்களில் நடித்துள்ளனர்.
சேலம் நகரில் நடைபெற்ற பூஜையுடன் துவங்கி, திட்டமிட்ட காலக்கட்டத்திலேயே நிறைவு பெற்ற இந்த படத்தின் படப்பிடிப்பு, கதையின் உணர்வூட்டும் சூழலை வலுப்படுத்தும் வகையில் சேலம் மற்றும் அதைச் சுற்றியுள்ள பகுதிகளில் நடந்தது.
கதை சொல்லல், நடிப்பு, தொழில்நுட்பத் துல்லியம் ஆகியவற்றால் படம் பலமாகி வருகிறது.
படத்தின் தலைப்பு, ஃபர்ஸ்ட் லுக் மற்றும் டீசர் வெளியீடு தொடர்பான அறிவிப்புகள் விரைவில் வெளியாகும்.
மிகுந்த கலைத் தரத்துடன் தாக்கமுள்ள கதைகளை உருவாக்க முனைப்புடன் செயல்படும் வயோம் எண்டர்டெயின்மெண்ட்ஸ் திரைப்பட தயாரிப்பு நிறுவனம் இந்த படத்தை தயாரிக்கிறது.