ஏ ஆர் ரஹ்மானும், பிரபு தேவாவும் இந்தியத் திரையுலகில் பல சாதனைகளை நிகழ்த்திய வரலாற்று ஆளுமைகள். அவர்கள் மீண்டும் இணைந்துள்ள திரைப்படத்தினை பிஹைண்ட்வுட்ஸ் (Behindwoods) நிறுவனம் தங்களது பெருமைமிகு முதல் படைப்பாக தயாரித்து வருகிறது. படத்தை பிஹைண்ட்வுட்ஸ் நிறுவனத்தின் தலைமை செயல் அலுவலர் மனோஜ் என் எஸ் இயக்குகிறார்.
அனைத்து தரப்பினரும் ரசிக்கும் வகையில் பொழுது போக்கு அம்சங்களுடன், நகைச்சுவை கலந்த அட்டகாசமான ஃபேமிலி எண்டர்டெயினராக தயாராகும் இந்த படத்தில் பிரபு தேவாவுடன் யோகி பாபு, அஜு வர்கீஸ், அர்ஜுன் அசோகன், சாட்ஸ், நிஷ்மா மற்றும் சுஷ்மிதா உள்ளிட்ட முன்னணி நட்சத்திரங்கள் பலர் நடிக்கிறார்கள்.
படத்திற்கு #ARRPD6 என தற்காலிகமாக பெயரிடப்பட்டிருந்தது. அதையடுத்து படத்தின் தலைப்பு என்னவாக இருக்குமென ரசிகர்கள் எதிர்பார்த்திருந்த நிலையில், தற்போது ‘மூன் வாக்’ எனும் அசத்தலான தலைப்பு வைக்கப்பட்டுள்ளது.
25 ஆண்டுகளுக்குப் பிறகு இசைப்புயல் ஏ ஆர் ரஹ்மான், இந்தியாவின் மைக்கேல் ஜாக்சன் பிரபுதேவா இணைகிறார்கள் என்ற நிலையில், இருவரையும் போற்றும் வகையிலும், அவர்களுக்குக் கச்சிதமாகப் பொருந்தும் வகையிலும் ‘மூன் வாக்’ தலைப்பு அமைந்திருப்பது ரசிகர்களிடையே பெரும் உற்சாகத்தை ஏற்படுத்தியுள்ளது.
ஏ ஆர் ரஹ்மானின் இசையில் பாடல்கள் அனைவரையும் மயக்கும் வகையில் தயாராகி வருகிறது. இரண்டாம் கட்ட படப்பிடிப்பு தற்போது சென்னையில் நடைபெற்று வருகிறது. படத்தை அடுத்த ஆண்டு பான் இந்திய படைப்பாக திரைக்குக் கொண்டு வர படக்குழுவினர் திட்டமிட்டுள்ளனர்.
படக்குழு:-
தயாரிப்பு: மனோஜ் என் எஸ், திவ்யா மனோஜ், பிரவீன் இலக்
தயாரிப்பு வடிவமைப்பு: ஷானு முரளிதரன்
இசை: ஏ ஆர் ரஹ்மான்
ஒளிப்பதிவு: அனூப் வி எஸ்
எடிட்டிங்: ரேமண்ட் டெரிக் க்ராஸ்டா