‘சனா ஸ்டுடியோஸ்’ நிறுவனம் சிறப்பான திட்டமிடலுடன் தமிழ்த் திரையுலகில் காலடி எடுத்து வைக்கிறது. விஜய் நடித்த ‘மாஸ்டர்’, சமீபத்தில் வெளியான ‘லேபிள்’ வெப் சீரிஸ் ஆகியவற்றில் தனது நடிப்பால் கவனம் ஈர்த்த மாஸ்டர் மகேந்திரன் கதாநாயகனாக நடிக்கும் படத்தை முதல் படமாக தயாரிக்கிறது.
ஜீவிதா இந்தப் படத்தின் மூலம் தமிழ் சினிமாவில் கதாநாயகியாக அறிமுகமாகிறார். சார்லி, கும்கி அஸ்வின் கலக்கப்போவது யாரு’ சரத் மற்றும் பலர் முக்கிய கதாபாத்திரங்களில் நடிக்கின்றனர்.
ஸ்ரீகாந்த் நடித்த ’எக்கோ’ படத்தை இயக்கிய நவின் கணேஷ் இயக்கும் இந்த படம் சர்வைவல் த்ரில்லராக உருவாக இருக்கிறது.
தற்காலிகமாக ’புரொடக்ஷன் நம்பர் 1′ என பெயர் சூட்டப்பட்டுள்ள இந்த படத்தை சீமான், சரண், அருண்ராஜா காமராஜ், கல்யாண் ஆகியோர் தொடங்கி வைத்தனர்.
பிரமாண்டமாக பூஜையோடு தொடங்கிய இந்த விழாவில் படத்தின் நடிகர்கள் மற்றும் படக்குழுவினர் கலந்து கொண்டனர்.
சென்னை மற்றும் அதன் சுற்றுப்புறங்களில் படப்பிடிப்பு நடக்கவிருக்கிறது.
உருவாக்கத்தில் உறுதுணை:-
முத்து, சந்தோஷ் சிவன் & ரவி இந்தப் படத்தை இணைந்து தயாரிக்கின்றனர்.
இசையமைப்பாளர் சாம் சி.எஸிடம் இசை ஏற்பாட்டாளராக இருந்த அபிஷேக் ஏஆர் இசையமைக்கிறார். இதற்கு முன்பு அவரது இசையில் உருவான ‘கேம் ஆன்’ ரசிகர்கள் மத்தியில் கவனம் ஈர்த்தது.
ரவிவர்மா ஒளிப்பதிவு செய்கிறார். அவருடைய ஒளிப்பதிவில் சமீபத்தில் வெளியான ‘தூக்குதுரை’ படம் ஒளிப்பதிவுக்காக பரவலான பாராட்டுகளைப் பெற்றது.
‘சிவகுமாரின் சபதம்’, ’ரவுடி பேபி’ படங்களுக்கு படத்தொகுப்பு செய்த தீபக் எடிட்டராக பணிபுரிகிறார்.