டென்னிஸ் மஞ்சுநாத் இயக்கும் படம் ‘மனிதன் தெய்வமாகலாம்.’ இந்த படத்தின் தலைப்பை நடிகர் தனுஷ் சமூக ஊடகங்களில் வெளியிட்டு படக் குழுவை வாழ்த்தினார்.

இது படக்குழுவிற்கும், நண்பர்களுக்கும் கொண்டாட்ட தருணமாக அமைந்துள்ளது.

இயக்குநர் செல்வராகவன் கதைநாயகன். குஷி ரவி கதாநாயகி. ஒய்.ஜி. மகேந்திரன், மைம் கோபி, கௌசல்யா, சதீஷ், லிர்திகா, என். ஜோதி கண்ணன் உள்ளிட்ட பலர் முக்கிய பாத்திரங்களில் நடிக்கின்றனர்.

படம் பற்றி பேசிய இயக்குநர் டென்னிஸ் மஞ்சுநாத் ”இயற்கையும் அமைதியும் சூழ்ந்துள்ள ஒரு கிராமத்தில் நிகழும் பெரும் சோகம் அதன் ஒற்றுமையை சிதைக்கிறது. அதனைத் துடைத்தெறிய மக்கள் மனவலிமையில் போராடும் நாயகன், தனது கிராமத்தைக் காப்பாற்ற எடுக்கும் தீர்மானம், அவனை அங்கு தெய்வமாக உயர்த்துகிறது. இதுவே படத்திற்கான அற்புதமான தலைப்பை உருவாக்கியுள்ளது” என்றார்.