தனுஷின் பெரிதும் எதிர்பார்க்கப்பட்ட 54-வது திரைப்படத்தின் தலைப்பு ‘கர.’ பொங்கல் தினத்தில் இந்த படத்தின் தீவிரத்தன்மையை வெளிப்படுத்தும் வகையில் வலிமையான, முரட்டுத்தனமான ஃபர்ஸ்ட் லுக் போஸ்டரையும் வெளியாகியுள்ளது.

விமர்சன ரீதியாக பாராட்டப்பட்ட பிளாக்பஸ்டர் திரைப்படமான ‘போர் தொழில்’ படத்தை இயக்கிய விக்னேஷ் ராஜா இப்படத்தை இயக்குகிறார். இது அவரது அடுத்த லட்சிய படைப்பாகும். மேலும் தமிழ் சினிமாவின் பன்முக திறமை கொண்ட கலைஞரான தனுஷுடன் அவர் இணையும் முதல் படம்.

சமூக வலைதளங்களில் வெளியான இந்த ஃபர்ஸ்ட் லுக் போஸ்டரில், தனுஷ் மிகவும் முரட்டுத்தனமான மற்றும் தீவிரமான தோற்றத்தில் காணப்படுகிறார். “Sometimes staying dangerous is the only way to stay alive” என்ற புதிரான வாசகம் போஸ்டரில் இடம் பெற்றுள்ளது. இது ரசிகர்களை இருக்கையின் நுனியில் அமர வைக்கும் ஒரு பரபரப்பான த்ரில்லராக இருக்கும் என்பதை உணர்த்துகிறது.

‘கர’ படத்தில் ஒரு பெரிய நட்சத்திர பட்டாளமே உள்ளது. தனுஷ் முதன்மை கதாபாத்திரத்தில் நடிக்க, அவருக்கு ஜோடியாக மமிதா பைஜு முத ல்முறையாக இணைந்துள்ளார். இவர்களுடன் கே.எஸ். ரவிக்குமார், ஜெயராம், சுராஜ் வெஞ்சரமூடு, கருணாஸ் மற்றும் பிருத்வி பாண்டியராஜன் ஆகியோரும் முக்கிய வேடங்களில் நடிக்கின்றனர். இது கதைக்குத் தேவையான ஆழத்தை அளிக்கும். குஷ்மிதா கணேஷ் இணைத் தயாரிப்பில் உருவாகும் இப்படம், வலுவான வர்த்தக அம்சங்களுடன் கூடிய ஒரு தீவிரமான த்ரில்லர் கதையாக இருக்கும். ‘போர் தொழில்’ படத்தை தொடர்ந்து ஆல்ஃபிரட் பிரகாஷ் மற்றும் விக்னேஷ் ராஜா ஆகியோர் இணைந்து இப்படத்தின் திரைக்கதையை எழுதியுள்ளனர்.

இப்படத்தை வேல்ஸ் ஃபிலிம் இன்டர்நேஷனல் நிறுவனத்தின் கீழ் ஐசரி கே. கணேஷ், திங்க் ஸ்டூடியோஸுடன் இணைந்து தயாரிக்கிறார். ஜி.வி. பிரகாஷ் குமார் இசையமைக்கிறார்; இவரது இசை படத்தின் கதைக்களத்திற்கு மேலும் வலு சேர்க்கும் என எதிர்பார்க்கப்படுகிறது.

ராமநாதபுரத்தின் நிலப்பரப்பில் நடக்கும் கமர்ஷியல் த்ரில்லராகக் கூறப்படும் ‘கர’, ஃபர்ஸ்ட் லுக் வெளியானதிலிருந்து ரசிகர்கள் மற்றும் விமர்சகர்கள் மத்தியில் பெரும் வரவேற்பை பெற்றுள்ளது. படத்தின் இசை வேல்ஸ் மியூசிக் இன்டர்நேஷனல் லேபிளில் வெளியாகும். திரையரங்கு வெளியீட்டு தேதி மற்றும் அடுத்தடுத்த அறிவிப்புகள் வரும் நாட்களில் வெளியிடப்படும் என எதிர்பார்க்கப்படுகிறது.

படக் குழு:
எழுத்து & இயக்கம்: விக்னேஷ் ராஜா
தயாரிப்பு: ஐசரி K கணேஷ்
இணை தயாரிப்பு: குஷ்மிதா கணேஷ்
தயாரிப்பு நிறுவனம்: வேல்ஸ் ஃபிலிம் இன்டர்நேஷனல் & திங்க் ஸ்டூடியோஸ்
கூடுதல் திரைக்கதை & வசனங்கள்: ஆல்ஃபிரட் பிரகாஷ், விக்னேஷ் ராஜா
ஒளிப்பதிவு: தேனி ஈஸ்வர்
படத்தொகுப்பு: ஸ்ரீஜித் சாரங்
கலை இயக்கம்: மாயபாண்டி
ஆடை வடிவமைப்பு: காவ்யா ஸ்ரீராம்
பப்ளிசிட்டி டிசைன்: கபிலன் செல்லையா
மியூசிக் லேபிள்: வெல்ஸ் மியூசிக் இன்டர்நேஷனல்
மக்கள் தொடர்பு: ரியாஸ் K அஹ்மத், பாரஸ் ரியாஸ், சதீஷ் (AIM)