இனிகோ பிரபாகர், சென்றாயன், முனீஷ் காநத், அப்புக்குட்டி. தேனி கே.பரமன், ரோஷ்மின், தான்யா, கூல் சுரேஷ், கிங்காங், செல்முருகன், மகாநதி சங்கர், திருச்சி சாதனா, மொசக்குட்டி, மணிமேகலை, கொட்டாச்சி என நட்சத்திரப் பட்டாளம் இணைந்துள்ள படம் ‘காக்கா.’ 
கதை திரைக்கதை, வசனம், ஒரு பாடல் எழுதி மூன்று முக்கிய கேரக்டர்களில் ஒன்றில் நடித்து, தமது முதல் படமாக இந்த படத்தை இயக்கியுள்ளார் தேனி. கே. பரமன். படம் பற்றி அவரிடம் கேட்டபோது, ”அக்கா தங்கை இருவரில் தங்கையை ஒருவன் காதலிப்பதாக கூறி தினமும் தொல்லை கொடுத்து வருகிறான். அவன் தொல்லையைத் தாங்க முடியாமல், அவனிடம், ‘என் அக்காவுக்கு திருமண வேளையில் திருமணம் நின்று விட்டது. அந்த மாப்பிள்ளையை கண்டு பிடித்து என் அக்காவுக்கு திருமணம் செய்து வைத்தால், நான் உன்னை திருமணம் செய்து கொள்கிறேன்’ என்கிறாள். அதன் பிறகு நடைபெறும் நிகழ்வுகளை மக்கள் ரசித்து சிரிக்கும்படி நகைச்சுவை கலாட்டாவாக படத்தை இயக்கி இருக்கிறேன். சமீப காலமாக நகைச்சுவை படங்கள் எதுவும் வரவில்லை. அதை மனதில் வைத்து மக்கள் கவலை மறந்து சிரிக்க திரைக்கதை அமைத்திருக்கிறேன்” என்றார்.
படக்குழு:-
தயாரிப்பு: ஆரென் பிக்சர்ஸ் நிறுவனம் சார்பில் ரேணுகா கிருஷ்ணசாமி
இசை: கெவின் டி கோஸ்டா
பாடல்கள்: தேனி கே.பரமன் , சபரீஷ்
ஒளிப்பதிவு: எஸ்.கே.சுரேஷ்குமார்
நடனம்: தினா
தயாரிப்பு நிர்வாகம்: விஜய்
மக்கள் தொடர்பு: விஜயமுரளி