மெகாஸ்டார் சிரஞ்சீவி நடிப்பில், மிகவும் எதிர்பார்க்கப்படும் கிரேஸி சோஷியோ ஃபேண்டஸி என்டர்டெய்னரான விஸ்வம்பரா’ படக்குழு ரசிகர்களுக்கு விருந்தளிக்க அதிரடியான பர்ஸ்ட் லுக் போஸ்டரை வெளியிட்டுள்ளது.

ப்ரீ லுக் போஸ்டர் பெரும் வரவேற்பைக் குவித்த நிலையில் இப்போது வெளியான ஃபர்ஸ்ட் லுக்கில் மாய புராணகதைகளை ஞாபகப்படுத்தும் பின்னணியில், சிறப்பு சக்திகள் மிகுந்த திரிசூலத்தினை ஏந்தியபடி காட்சியளிக்கிறார் சிரஞ்சீவி. இடி மின்னல் பரவ, தெய்வீக கதிரலை சுற்றிலும் பாய்கிறது.

சிரஞ்சீவி மிக இளமையாகவும் சுறுசுறுப்பாகவும் லேசான தாடியுடன் தோற்றமளிக்கிறார், திரிசூலத்தினை கையில் பிடித்தபடி, மிரட்டலான லுக்கில் அசத்துகிறார். இந்த கண்கவர் ஃபர்ஸ்ட் லுக், ரசிகர்களிடம் பெரும் வரவேற்பைப் பெற்று வருகிறது.

பிளாக்பஸ்டர் பிம்பிசாரா திரைப்படத்தை வழங்கிய இயக்குநர் வசிஷ்டா, தனது அபிமான நட்சத்திரமான சிரஞ்சீவியுடன் இணைந்து இந்த படத்தை பிரமாண்ட படைப்பாக உருவாக்குகிறார். சிறந்த விஎஃப்எக்ஸ், அதிரடி ஆக்சன் காட்சிகள் மற்றும் மனதைத் தொடும் உணர்வுப்பூர்வமான காட்சிகளுடன் ரசிகர்கள் ஆச்சர்யம் கொள்ளும் வகையில், ஒரு உலகத்தை உருவாக்கியுள்ளார்.

நடிகை திரிஷா, ஆஷிகா ரங்கநாத் கதாநாயகிகளாக நடிக்க குணால் கபூர் சக்திவாய்ந்த கேரக்டரில் நடிக்கிறார்.

விக்ரம், வம்சி, பிரமோத் ஆகியோர் இணைந்து பெரும் பொருட்செலவில், இந்த ஃபேண்டஸி ஆக்‌ஷன் அட்வென்சர் திரைப்படத்தை தயாரிக்கிறார்கள். சமீபத்தில் ஆஸ்கார் விருது பெற்ற எம்.எம்.கீரவாணி இப்படத்திற்கு இசையமைக்கிறார், பிரபல லென்ஸ்மேன் சோட்டா கே நாயுடு ஒளிப்பதிவு செய்கிறார்.

படம் அடுத்த வருடம் ஜனவரி 10-ம் தேதி வெளியாகவுள்ளது.

படக் குழு:-
எழுத்து இயக்கம்: வசிஷ்டா
இசை: எம்.எம்.கீரவாணி
ஒளிப்பதிவு: சோட்டா கே நாயுடு
தயாரிப்பு வடிவமைப்பாளர்: ஏ.எஸ்.பிரகாஷ்
மார்க்கெட்டிங்: ஃபர்ஸ்ட் ஷோ
மக்கள் தொடர்பு: யுவராஜ்