திரைப்பட இயக்குநரும், தயாரிப்பாளரும், நடிகருமான
இ.வி.கணேஷ்பாபு மத்திய திரைப்படத் தணிக்கைக் குழு உறுப்பினராக நியமிக்கப்பட்டுள்ளார்.

மத்திய அரசின் தகவல் மற்றும் ஒளிபரப்புத் துறை அமைச்சகத்தின் கீழ் இயங்கிவரும் திரைப்படத் தணிக்கைக் குழு உறுப்பினர்களாக இலக்கிய வல்லுநர்கள், கலைத்துறையின் முக்கியப் பிரமுகர்கள், சமூக ஆர்வலர்கள் போன்றோர்
உறுப்பினர்களாக 3 வருட காலத்திற்கு மத்திய அரசால் நியமிக்கப்படுகிறார்கள்.

இ வி கணேஷ்பாபு திரைப்படங்கள் மட்டுமின்றி தமிழ்நாடு அரசு மற்றும் மத்திய அரசின் விழிப்புணர்வு குறும்படங்களையும் தொடர்ந்து இயக்கி வருகிறார். கடந்த தேர்தலின் போது இந்திய தேர்தல் ஆணையத்திற்காக இவர் இயக்கிய குறும்பங்கள் மக்களிடையே சிறந்த விழிப்புணர்வை ஏற்படுத்தியது குறிப்பிடத்தக்கது.