விஜய் ஆண்டனி உயர் காவல் அதிகாரியாக மிகவும் வித்தியாசமான தோற்றத்தில் நடித்திருக்கும் படம் ‘ககன மார்கன்.’ அஜய் தீஷன், சமுத்திரக்கனி, மகாநதி சங்கர், பிரிகடா, வினோத் சாகர் ஆகியோர் போலீஸ் அதிகாரிகளாக நடித்துள்ளனர். தீப்ஷிகா, கலக்கப்போவது யாரு அர்ச்சனா, கனிமொழி, அந்தகாரம் நட்ராஜன் ஆகியோரும் நடித்துள்ளார்கள்.
ககன மார்கன் என்றாக் சித்தர்களின் அகராதியில் ‘காற்றின் வழி பயணிப்பவன்’ என்று அர்த்தமாம்.
இந்த படம் வழக்கமான மர்டர் மிஸ்ட்ரி கிரைம் திரில்லராக இல்லாமல், புதிய வகையான கதாபாத்திரங்கள், தமிழ் பாரம்பரிய மரபு சார்ந்த அம்சங்களை உள்ளடக்கிய புலனாய்வு கதையாக, வித்தியாசமான விஷுவல் எஃபெக்ட்ஸ் அம்சங்களுடன் உருவாகியுள்ளது.
இந்த படத்தில் தண்ணீருக்கு அடியில் (Underwater Sequences) எடுக்கப்பட்ட காட்சிகள் முக்கியத்துவம் வகிக்கின்றன. படத்தின் பல முக்கிய காட்சிகள் பல நாட்களாக மும்பையில் படமாக்கப்பட்டுள்ளது. பிரமிக்கத்தக்க வி எஃப் எக்ஸ் இடம் பெறுகின்றன.
ரோமியோ பட வெற்றியைத் தொடர்ந்து விஜய் ஆண்டனி ஃபிலிம் கார்ப்பரேஷன் பிரமாண்டமான பொருட்செலவில் தயாரித்திருக்கும் இந்த படத்திற்கு படத்திற்கு விஜய் ஆண்டனி இசையமைத்துள்ளார்.
அட்டக்கத்தி, பீட்சா, சூது கவ்வும் , இன்று நேற்று நாளை , தெகிடி, முண்டாசுப்பட்டி, காதலும் கடந்து போகும், A1, மாயவன் உளிட்ட திரைப்படங்களை எடிட்டிங் செய்தவர் படத்தொகுப்பாளர் லியோ ஜான் பால். 2013ம் ஆண்டு இதற்குத்தானே ஆசைப்பட்டாய் பாலகுமாரா திரைப்பட தொகுப்புக்காக தமிழ்நாடு அரசின் சிறந்த படத்தொகுப்பாளருக்கான விருது பெற்றவர்.