‘விஜய் டிவி’ புகழ் கதையின் நாயகனாக அறிமுகமாகும் ‘Four சிக்னல்’ திரைப்படத்தை அறிமுக இயக்குநர் மகேஸ்வரன் கேசவன், காதலும், உணர்வுகளும் கலந்த கலகலப்பான படைப்பாக உருவாக்கியுள்ளார்.
நகரங்களில் வசிக்கும் வெகு ஜனங்கள் வெகுவாக பயன்படுத்தும் எளிய போக்குவரத்தான ஷேர் ஆட்டோவை சுற்றி இந்த கதை சுழல்கிறது. சென்னையின் ஒரு பகுதியில் இருந்து இன்னொரு பகுதிக்கு தினமும் ஷேர் ஆட்டோவில் செல்லும் பயணிகளுக்கும் அதன் ஓட்டுநருக்கும் இடையில் நடக்கும் சுவாரஸ்யமான சம்பவங்களின் தொகுப்பாக உருவாகியுள்ள இந்த படத்தில் அருவி திருநாவுக்கரசு, கல்லூரி வினோத், லொள்ளு சபா சேஷு, ஷர்மிளா, விஜய் ஆதிராஜ், யூடியூபர் காத்து கருப்பு கலை உள்ளிட்டோர் நடித்துள்ளனர்.
மனிதர்களின் அந்தரங்க உணர்வுகளையும் யதார்த்தங்களையும் உள்ளடக்கிய ரொமான்ஸ் டிராமாவாக உருவாகியுள்ள இந்த படத்தை வரும் அக்டோபர் மாதம் தீபாவளி விடுமுறையில் வெளியிட படக்குழு தயாராகி வருகிறது.
படம் பற்றி இயக்குநரிடம் கேட்டபோது, “இந்த படம் எளிய மக்களின் வாழ்க்கையில் நடக்கும் தினசரி நிகழ்வுகளின் சுவாரஸ்ய தொகுப்பாக இருக்கும். தரமான திரைப்படங்களை எப்போதும் ஆதரிக்கும் தமிழ் ரசிகர்கள் இந்த திரைப்படத்தையும் ஆதரிப்பார்கள் என்று முழுமையாக நம்புகிறேன்” என்றார்.
படக்குழு:-
இசை: A.J அலி மிர்சாக்
ஒளிப்பதிவு: பாலா பழனியப்பன்
எடிட்டிங்: பிரியன்