அதர்வா முரளி நடிக்க,நெல்சன் வெங்கடேசன் இயக்கத்தில் உருவாகவிருக்கும் படம் ‘டிஎன்ஏ.’
‘ஒரு நாள் கூத்து’, ‘மான்ஸ்டர்’, விமர்சன ரீதியாக பாராட்டப்பட்ட ‘ஃபர்ஹானா’ உள்ளிட்ட சிறந்த படங்களை இயக்கிய நெல்சன் வெங்கடேசன் இந்த படத்தை இயக்குகிறார்.
‘மனம் கொத்தி பறவை’, ‘டாடா’, ‘கழுவேத்தி மூர்க்கன்’ என பாக்ஸ் ஆஃபீஸில் வெற்றி பெற்ற பல படங்களைக் கொடுத்த ‘ஒலிம்பியா மூவிஸ்’ எஸ் அம்பேத் குமார் தயாரிக்கிறார். ‘ஒலிம்பியா மூவிஸ்’ முதல் முறையாக அதர்வாவுடன் இந்தப் படத்தின் மூலம் இணைகிறது.
சமீபத்தில் வெளியான ‘சித்தா’ படத்தில் தனது அசத்தலான நடிப்பால் விமர்சகர்கள் மற்றும் ரசிகர்களின் இதயங்களை வென்ற நிமிஷா சஜயன், இந்தப் படத்தில் கதாநாயகியாக நடிக்கிறார்.
இந்த படத்தின் படப்பிடிப்பு தொடங்கியுள்ளது.
படத்தின் காட்சிகள் முழுவதும் சென்னை மற்றும் அதைச் சுற்றியுள்ள பகுதிகளில் படமாக்கப்படவுள்ளது. படத்தில் நடிக்கும் மற்ற நடிகர், நடிகைகள் பற்றிய விவரங்கள் விரைவில் தெரிவரும்.