இந்திய கம்யூனிஸ்ட் கட்சியின் தமிழ்நாடு மாநிலச் செயலாளர் தோழர் இரா.முத்தரசன் விவசாயியாக நடிக்க, இளையராஜா இசையில் உருவாகும் திரைப்படம் ‘அரிசி.’
இந்த படத்தில் முத்தரசனின் மனைவியாக ரஷ்யா மாயன் நடிக்கிறார். சிசர் மனோகர், கோவி இளங்கோ, ராஜா திருநாவுக்கரசு, அர்ஜுன்ராஜ், மகிமை ராஜ், வையகன், அன்பு ராணி, சுபா, பழனி மணிசேகரன், கொண்டைமண்டை ராதாகிருஷ்ணன் உள்ளிட்ட பலரும் நடிக்கின்றனர்.
பிரபல இயக்குநர்களிடம் பணியாற்றிய எஸ் ஏ விஜயகுமார் கதை, திரைக்கதை, வசனம் எழுதி இயக்குகிறார்.
படம் பற்றி இயக்குநரிடம் கேட்டபோது, ‘‘முழுக்க விவசாயப் பின்னணியில் உருவாகும் படம் இது. அரிசி என்பது வெறும் உணவு தானியம் மட்டுமல்ல. மனித வாழ்வியலின் உயிர் நாடி என்பதை இந்த தலைமுறைக்கு எடுத்து சொல்வதே இந்த படத்தின் சிறப்பு.
விவசாயியாக நடித்திருக்கும் தோழர்
இரா. முத்தரசன் பேசும் ஒவ்வொரு வசனமும் அர்த்தம் நிறைந்ததாக இருக்கும். படப்பிடிப்பு கும்பகோணம் பகுதியில் குடவாசல் அருகேயுள்ள சிறு சிறு கிராமங்களில் 35 நாட்கள் நடந்து முடிந்திருக்கிறது. அப்பகுதி விவசாயிகளும் படத்தில் நடித்திருக்கின்றனர்” என்றார்.
படக்குழு:-
இணைத் தயாரிப்பு – மகேந்திர பிரசாத்
ஒளிப்பதிவு – ஜான்சன்
எடிட்டிங் – அசோக் சார்லஸ்
கலை – சேது ரமேஷ்