ஆரி அர்ஜூனன், தீப்ஷிகா, பவித்ரா, தலைவாசல் விஜய், ஆதித்யா கதிர் நடிக்கும் படத்தின் படப்பிடிப்பு முடிவடைந்த நிலையில், படத்தின் தலைப்பு 4த் ஃப்ளோர்’ என்பது ஆரி அர்ஜூனன் பிறந்தநாளான பிப்ரவரி 12-ல் வெளியானது.
முன்னதாக அவருடைய பிறந்தநாளை பூந்தமல்லியில் உள்ள பார்வைத்திறன் குன்றியோர் பள்ளியில் கேக் வெட்டியும், விருந்து பரிமாறியும் கொண்டாடப்பட்டது. அதனைத் தொடர்ந்து படத்தின் தலைப்பினை பார்வைத்திறன் குன்றிய வயதானவர்கள் மற்றும் மாணவர்கள் முன்னிலையில் ஆரி அர்ஜூனன் வெளியிட்டார்.
படத்தை மனோ கிரியேஷன் சார்பில் ஏ ராஜா தயாரித்துள்ளார். எல் ஆர் சுந்தரபாண்டி எழுதி இயக்கியுள்ளார். ஜெ லக்ஷ்மன் ஒளிப்பதிவு செய்துள்ளார். தரண்குமார் இசையமைத்துள்ளார். படத்தொகுப்பு – ராம் சுதர்சன், கலை இயக்கம் – சுரேஷ் கல்லாரி, சண்டைப்பயிற்சி டேஞ்சர் மணி, நிர்வாகத் தயாரிப்பு – சூரியப் பிரகாஷ். மக்கள் தொடர்பு ராஜா ஏ.
பரபரப்பான திரில்லராக உருவாகியிருக்கும் இந்த படத்தின் பர்ஸ்ட் லுக் விரைவில் வெளியாகவிருக்கிறது.