டாக்டர் அன்புமணி ராமதாஸின் மகள் தயாரிப்பில் உருவான ‘அலங்கு’ திரைப்படத்தின் டிரெய்லரை சூப்பர் ஸ்டார் ரஜினிகாந்த் வெளியிட்டார்.
டிரெய்லரை பார்த்த சூப்பர்ஸ்டார் இயக்குநர் மற்றும் படக்குழுவை வெகுவாக பாராட்டினார். படத்தை பற்றிய சுவாரஸ்ய தகவல்களை கேட்டறிந்த அவர் உடனடியாக படத்தை பார்த்து விடுவதாக படக்குழுவிடம் தெரிவித்தார்.
தமிழ் சினிமாவில் புதுமுகங்கள் நடித்து, மாறுபட்ட கதைக்களம் கொண்ட திரைப்படங்கள் அவ்வப்போது வெளியாகி வெற்றி பெறுவது வழக்கம். அதேபோல் இந்த வருடமும் பல திரைப்படங்கள் வெற்றி பெற்றன. அந்த வரிசையில் ‘அலங்கு’ திரைப்படமும் இணையும் என படக்குழு நம்பிக்கை தெரிவித்துள்ளது.
பல வெற்றிப் படங்களை வெளியிட்ட ‘சக்தி ஃபிலிம் பேக்டரி’ சக்திவேலன் அவர்கள் உலகம் முழுவதும் வரும் டிசம்பர் மாதம் 27-ம் தேதி வெளியிடுகிறார்.
படத்தை டி ஜி ஃபிலிம் கம்பெனி சார்பில் டி சபரிஷ் , மேக்னஸ் புரொடக்சன்ஸ் சார்பில் சங்கமித்ரா சௌமியா அன்புமணி இருவரும் இணைந்து தயாரித்துள்ளனர்.