ஜெயம் ரவி நடிக்கும் ‘பிரதர்’ படத்திலிருந்து ‘மக்காமிஷி’ என்ற முதல் பாடல் வெளியாகி ரசிகர்களின் பெரும் வரவேற்பை பெற்றுள்ளது.
ஹாரிஸ் ஜெயராஜின் அதிரடி இசையில் பால் டப்பா எழுதி பாடிய உற்சாகமிக்க இந்த பாடலுக்கு சாண்டி மாஸ்டர் துடிப்புமிக்க நடன அசைவுகளை வடிவமைத்துள்ளார்.
படம் ஸ்கிரீன் சீன் மீடியா என்டர்டைன்மென்ட் பிரைவேட் லிமிடெட் தயாரிப்பில் எம். ராஜேஷ் இயக்கத்தில் உருவாகியுள்ளது.
ஒரு இளைஞன் மற்றும் அவரது சகோதரிக்கு இடையேயான பாசப்பிணைப்பை கலகலப்பாகவும் உணர்ச்சிப்பூர்வமாகவும் சொல்லும் குடும்ப திரைப்படமான ‘பிரதர்’, ஜெயம் ரவியின் முப்பதாவது படம் என்பது குறிப்பிடத்தக்கது. ‘பிரதர்’ படத்தில் பிரியங்கா மோகன் நாயகியாக நடிக்க, நட்டி, பூமிகா, சரண்யா பொன்வண்ணன், விடிவி கணேஷ், சீதா, அச்யுத் குமார், ‘கே ஜி எஃப்’, ‘புஷ்பா’, ‘ஜெய் பீம்’, புகழ் பிரபல தெலுங்கு நடிகர் ராவ் ரமேஷ், எம் எஸ் பாஸ்கர், சதீஷ் கிருஷ்ணன், சுரேஷ் சக்கரவர்த்தி, விருத்தி விஷால் மற்றும் மாஸ்டர் அஷ்வின் உள்ளிட்டோர் முக்கிய வேடங்களில் நடித்துள்ளனர்.
படத்தை விரைவில் வெளியிடுவதற்கான பணிகள் நடைபெற்று வருகின்றன.