காது கேளாத இளைஞர் ஶ்ரீ ஹரி கதாநாயகனாக நடிக்க, அப்புக்குட்டி, விக்ரம் சுந்தர் இருவரும் கதையின் நாயகர்களாக நடித்துள்ள படம் ‘சூரியனும் சூரியகாந்தியும்.’ ஏ.எல்.ராஜா கதை, திரைக்கதை, வசனம் எழுதி இயக்கியுள்ள இந்த படத்தில் ரிதி உமையாள் கதாநாயகியாக நடிக்க சந்தான பாரதி, செந்தில் நாதன், ராஜசிம்மன், ஏ.எல்.ராஜா, மங்களநாத குருக்கள், அழகு, சேஷு, மிப்புசாமி, உடுமலை ரவி, சச்சின், ரேவதி, ரிந்து ரவி உள்ளிட்டோர் நடித்துள்ளனர்.
‘சாதிகள் இல்லையடி பாப்பா, குலத் தாழ்ச்சி உயர்ச்சி சொல்லுதல் பாவம்’ என்ற பாரதியாரின் பாடல்தான் கதையின் மையக் கருத்து. சூரியன் மேல் காதல் கொண்ட சூரியகாந்தி பூவைப் போல, கதாநாயகி நாயகனை காதலிப்பதும், காதலுக்குள் சாதி பேய் நுழைந்து, என்ன செய்கிறது என்பதும்தான் படத்தின் கதைக்களம் என்கிறார் படத்தின் இயக்குநர்.
டி.டி.சினிமா ஸ்டுடியோ தயாரித்துள்ள இந்த படம் விரைவில் வெளிவரவிருக்கிறது. முன்னதாக பாடல்கள் மற்றும் டிரெய்லர் வெளியீட்டு விழா சென்னையில் நடந்தது.
இயக்குநர் ஆர்.வி.உதயகுமார், நடிகர் மன்சூர் அலிகான், பேரரசு, அப்புக்குட்டி, சந்தான பாரதி, ராசி அழகப்பன், சச்சின் மாலி, ஆர்.சுந்தர்ராஜன், எழில், மங்களநாத குருக்கள், சௌந்தர பாண்டியன், விஜயமுரளி ஆகியோர் சிறப்பு விருந்தினர்களாக கலந்து கொண்டு விழாவை சிறப்பித்தனர்.
படக்குழு:-
ஒளிப்பதிவு திருவாரூர் ராஜா, இசை ஆர்.எஸ்.ரவி பிரியன், எடிட்டிங் வீரசெந்தில்ராஜ், டான்ஸ் மாஸ்டர் மஸ்தான், பாடல்கள் ஏ.எல்.ராஜா, கவிஞர் செங்கதிர் வாணன், சண்டைப் பயிற்சி ஸ்பீடு மோகன், கலை ஜெயசீலன், மக்கள் தொடர்பு கோவிந்தராஜ், இணைத் தயாரிப்பு டெய்லி குருஜி, தயாரிப்பு ஏ.எல்.ராஜா.