அபிஷேக் பதக் இயக்கத்தில் உருவாகியுள்ள இப்படத்தின் இறுதி அத்தியாயம், ’த்ரிஷ்யம்2’ திரைப்படம் முடிந்த இடத்திலிருந்து கதை தொடர்கிறது. ஆனால், புதிய கதைக்களம் மற்றும் முற்றிலும் புதிய திரைக்கதையுடன் இப்படம் உருவாகியுள்ளது.

உண்மை புதைந்தே கிடக்கிறது. சல்காவோங்கர் குடும்பம் தனது நிலைப்பாட்டில் உறுதியாக உள்ளது. விஜய் சல்காவோங்கர் எப்போதும் ஒருபடி முன்னிலையில் இருந்துள்ளார். ஆனால், இந்த முறை அவரை நோக்கி அரசு மீண்டும் மிகுந்த பலத்துடன் வருகிறது.

ஆண்டுகள் பல கடந்தாலும் ’த்ரிஷ்யம்’ திரைப்படத்தின் அடுத்த பாகங்கள் இந்திய சினிமா ரசிகர்களால் மிகவும் விரும்பப்படும் மற்றும் கொண்டாடப்படும் குடும்பத் த்ரில்லராக உள்ளது. விஜய் சல்காவோங்கரின் உலகம் பார்வையாளர்களை கவர்ந்ததுடன், பல விவாதங்களையும் உருவாக்கியது. ஒவ்வொரு கட்டத்திலும் கோடிக்கணக்கான ரசிகர்கள் விஜய்க்கு ஆதரவாக இருந்தனர். இந்நிலையில், இறுதி அத்தியாயத்திற்கான எதிர்பார்ப்பு உச்சத்தை எட்டியுள்ள நிலையில், நீண்ட காலமாக எதிர்பார்க்கப்பட்ட ’த்ரிஷ்யம் தி கன்குலூஷன்’ படத்தின் டிரெய்லர் வெளியாகியுள்ளது.

விஜய் சல்காவோங்கராக அஜய் தேவ்கன் மீண்டும் நடிக்கிறார். ஆனால், இந்த முறை அவருக்கு எதிராக, உண்மையை எப்படியாவது வெளிக்கொண்டு வர வேண்டும் என்ற உறுதியுடன், குற்றப்பிரிவு எஸ்.பி. ராஜ்வீர் சிங் தோமராக ஜெய்தீப் அஹ்லாவத் களமிறங்குகிறார். விஜய்க்கு எதிரான வலிமையான சக்தியாக அவர் உருவெடுக்கிறார்.

‘த்ரிஷ்யம்2’ முடிந்த இடத்திலிருந்து தொடங்கும் ’த்ரிஷயம் தி கன்குலூஷன்’, புதிய கதைக்களம் மற்றும் முற்றிலும் புதிய திரைக்கதையின் மூலம் இந்த பாகத்தை அடுத்த கட்டத்துக்கு எடுத்துச் செல்கிறது. சாத்தியமே இல்லை எனத் தோன்றும் இந்த வழக்கை ராஜ்வீர் சிங் தோமர் கையில் எடுக்கும்போது, விஜய் இதுவரை சந்தித்திராத அளவுக்கு கடுமையான சவாலை எதிர்கொள்கிறார். பிரகாஷ் ராஜின் வருகை கதையின் பரபரப்பை மேலும் அதிகரிக்கிறது. தபு, ஸ்ரியா சரண் மற்றும் ரஜத் கபூர் ஆகியோரும் மீண்டும் இந்த உலகிற்குத் திரும்புகின்றனர். கடந்த காலத்தின் ரகசியங்கள் மீண்டும் வெளிவர, விடை கிடைக்காத கேள்விகள் நெருங்கி வர, புதிய சக்திகள் களத்தில் இறங்குகின்றன. ஒவ்வொரு நகர்வும் அனைத்தையும் மாற்றக்கூடிய சூழலில், புத்திசாலித்தனத்திற்கும் தந்திரத்திற்கும் இடையிலான மோதலை டிரெய்லர் காட்டுகிறது.

’த்ரிஷ்யம்’ திரைப்படத் தொடரின் வெற்றியைக் கொண்டாடும் வகையில், ’த்ரிஷ்யம் தி கன்குலூஷன்’ படத்தின் டிரெய்லர் வெளியீடு, இந்தக் கதை தொடங்கிய இடமான கோவாவில் நடைபெற்றது. விஜய் சல்காவோங்கர் மற்றும் அவரது கதையுடன் தொடர்புடைய முக்கியமான இடங்களில் ஊடகங்கள் மற்றும் சமூக ஊடகப் பிரபலங்களுக்கு பிரத்யேகமாக இந்தத் திரைப்பட அனுபவம் வழங்கப்பட்டது. திரைப்படங்களின் முக்கியமான தருணங்களை மீண்டும் நினைவுகூர்ந்தபடி, விஜய் சல்காவோங்கரின் உலகிற்குள் பார்வையாளர்கள் அழைத்துச் செல்லப்பட்டனர். இதன் நிறைவாக, பனாஜியில் பிரம்மாண்டமான டிரெய்லர் வெளியீட்டு விழா நடைபெற்றது. இதில் அஜய் தேவ்கன், தபு, ஸ்ரியா சரண், ரஜத் கபூர், ஜெய்தீப் அஹ்லாவத் மற்றும் மிருணாள் ஜாதவ் ஆகிய நடிகர்களுடன், இயக்குநர், எழுத்தாளர் மற்றும் தயாரிப்பாளர் அபிஷேக் பதக், ஜியோஸ்டாரின் இந்தி மற்றும் ஆங்கில பொழுதுபோக்கு பிரிவின் (ஸ்ட்ரீமிங், டிவி & ஸ்டுடியோஸ்) தலைவர் மற்றும் தயாரிப்பாளர் அலோக் ஜெயின், ஸ்டார் ஸ்டுடியோ18 நிறுவனத்தின் தலைவர் மற்றும் தயாரிப்பாளர் அஜித் அந்தாரே மற்றும் தயாரிப்பாளர் குமார் மங்கத் ஆகியோர் கலந்து கொண்டனர்.

அபிஷேக் பதக் இயக்கியிருக்கும் ‘த்ரிஷ்யம் தி கன்குலூஷன்’ திரைப்படத்தில் அஜய் தேவ்கன், தபு, ஸ்ரியா சரண், ரஜத் கபூர், ஜெய்தீப் அஹ்லாவத், பிரகாஷ் ராஜ், கமலேஷ் சாவந்த், இஷிதா தத்தா மற்றும் மிருணாள் ஜாதவ் உள்ளிட்ட பல முன்னணி நடிகர்கள் நடித்துள்ளனர்.  ஸ்டார் ஸ்டுடியோ18 வழங்கும் இப்படத்தை பனோரமா ஸ்டுடியோஸ் தயாரித்துள்ளது. இப்படத்திற்கு அபிஷேக் பதக், ஆமில் கீயான் கான் மற்றும் பர்வீஸ் ஷேக் ஆகியோர் திரைக்கதை மற்றும் வசனம் எழுதியுள்ளனர்.

அலோக் ஜெயின், அஜித் அந்தாரே, குமார் மங்கத் பதக் மற்றும் அபிஷேக் பதக் ஆகியோர் தயாரித்துள்ள ‘த்ரிஷ்யம் தி கன்குலூஷன்’ திரைப்படம், அக்டோபர் 2 ஆம் தேதி திரையரங்குகளில் வெளியாக உள்ளது.