காலத்தை மாற்றி அமைத்து துப்பு துலக்கும் திரில்லர் கதையில், சந்தானம் நடிக்கும் ‘SANTA 20’ படத்தின் படப்பிடிப்பு சென்னையின் முக்கியமான பகுதிகளில் நடைபெற்று கொண்டிருக்கிறது.
சுதாமன் கிருஷ்ணா இயக்கும் இந்தப் படத்தில் கோபிகா ரமேஷ் கதாநாயகியாக நடிக்கிறார். ரெடின் கிங்ஸ்லி, ஜார்ஜ் மரியன், பிரதீப் ஆண்டனி, ஜென்சன் திவாகர், டிஎஸ்ஆர் மற்றும் ஃபௌஸி உள்ளிட்ட திறமையான கலைஞர்கள் நடிக்கிறார்கள்.
வலிமையான தொழில்நுட்ப கலைஞர்களின் பங்களிப்புடன் காட்சி ரீதியாகவும் வளமான மற்றும் ஈர்க்கக்கூடிய சினிமா அனுபவத்தை வழங்குவதை நோக்கமாகக் கொண்டுள்ளது. சந்தானத்தின் திரைப்பயணத்தில் மிகவும் சுவாரசியமான மற்றும் பொழுதுபோக்கு அம்சங்கள் நிறைந்த படமாக மாறவுள்ளது.
‘யாத்திசை ‘ மற்றும் ‘குமார சம்பவம்’ போன்ற விமர்சன ரீதியாக பாராட்டப்பட்ட படங்களை வழங்கிய வீனஸ் இன்ஃபோடெய்ன்மென்ட் இந்த ஈர்க்கக்கூடிய கதையை K7 ஸ்டுடியோஸ் உடன் இணைந்து தயாரிக்கிறது. இவர்கள் தமிழ் சினிமாவின் தனித்துவமான கதை சொல்லலுடன் கூடிய பொழுதுபோக்கு நிறுவனங்களின் பட்டியலில் புதிய சேர்க்கையை உருவாக்க உள்ளனர்.