HomeCinemaஉங்கள் கோரிக்கைகளை முதலமைச்சரின் கவனத்துக்கு கொண்டு செல்வேன்! -தமிழ்த் திரைப்பட பத்திரிகையாளர்கள் சங்கத்தின் தீபாவளி கொண்டாட்ட...

உங்கள் கோரிக்கைகளை முதலமைச்சரின் கவனத்துக்கு கொண்டு செல்வேன்! -தமிழ்த் திரைப்பட பத்திரிகையாளர்கள் சங்கத்தின் தீபாவளி கொண்டாட்ட விழாவில் செய்தித்துறை அமைச்சர் சாமிநாதன் உறுதி

Published on

மூத்த பத்திரிகையாளர் கவிதா தலைமையிலான தமிழ்த் திரைப்பட பத்திரிகையாளர்கள் சங்கத்தின் தீபாவளி மலர் வெளியீட்டு விழாவும், உறுப்பினர்களுக்கு தீபாவளி பரிசு பொருட்கள் வழங்கும் நிகழ்வும் 8.11.2023 அன்று மாலை சென்னை சாலிகிராமம் பிரசாத் லேப் திரையரங்கில் நடந்தது.

சிறப்பு விருந்தினராக தமிழ்நாடு செய்தித் துறை அமைச்சர் பி.சாமிநாதன் கலந்து கொண்டு தீபாவளி மலரை வெளியிட்டார்.

நிகழ்வில் சங்கத்தின் செயல்பாடுகள் குறித்து பேசிய தலைவர் கவிதா, அமைச்சரிடம் ‘திரைப்பட பத்திரிகையாளர்கள் நலனுக்காக செய்தித்துறை சார்பில் செயல்திட்டங்களை நடைமுறைப்படுத்த வேண்டும்’ என்ற வேண்டுகோளை முன்வைத்தார்.

மலரை வெளியிட்டபின் அமைச்சர் சாமிநாதன் உரையாற்றியபோது, ‘‘தமிழ்த் திரைப்பட பத்திரிக்கையாளர்கள் சங்கம் சார்பாக நடக்கும் தீபாவளி மலர் வெளியீட்டு விழாவில் கலந்து கொள்வதில் நான் மிகவும் மகிழ்ச்சியடைகிறேன். தமிழ்த் திரைப்பட பத்திரிகையாளர்கள் சங்கம் சார்பாகவும் தமிழ் திரைப்பட நிகழ்வுகள் சார்பாகவும் பலமுறை என்னை அழைத்தும் என்னால் வர இயலவில்லை. இந்த நிகழ்விலாவது நிச்சயம் கலந்து கொள்ள வேண்டும் என்கிற நோக்கத்துடன் இன்று இந்த நிகழ்வில் கலந்து கொண்டுள்ளேன்.

தமிழ்த் திரைப்படத்தின் மூலம் தனது பயணத்தை துவங்கி இன்று விளையாட்டுத் துறை அமைச்சராக பொறுப்பேற்றிருக்கும் அமைச்சர் உதயநிதி ஸ்டாலின் அவர்களின் ஆலோசனைகளை பெற்று திரைப்படத்துறையில் ஏராளமான செயல் திட்டங்கள், கோரிக்கைகள் நிறைவேற்றப்பட்டுள்ளன.

இன்று தமிழ்த் திரைப்பட பத்திரிகையாளர்கள் சங்கம் சார்பாக வைக்கப்பட்ட கோரிக்கைகளையும் செய்தியாளர்களுக்கான நலனுக்கு தேவைப்படும் செயல் திட்டங்களையும் விரைவில் மாண்புமிகு முதலமைச்சர் அவர்களின் கவனத்துக்கு கொண்டு சென்று நிறைவேற்ற ஆவன செய்வோம்” என்றார்.

விழா மேடையில் அமைச்சர் சாமிநாதன் தீபாவளி மலருக்கு கட்டுரைகள் வழங்கிய, இன்னபிற வழிகளில் பங்களிப்பு நல்கிய உறுப்பினர்களுக்கு சங்கத்தின் சார்பிலான பரிசை வழங்கிக் கெளரவித்ததோடு, மூத்த உறுப்பினர்களுக்கு தீபாவளி பரிசுப் பொருட்களையும் வழங்கினார்.

சங்கத்தின் செயலாளர் கோடங்கி ஆபிரகாம் வரவேற்புரை வழங்க, நிகழ்வை சின்னத்திரை பிரபலம் ஈரோடு மகேஷ் நேர்த்தியாக தொகுத்து வழங்கினார்.

நிகழ்வில் பங்கேற்ற, திரைப்பட மக்கள் தொடர்பாளர்கள் சங்கத்தின் கெளரவத் தலைவர் டைமண்ட் பாபு அமைச்சரால் கெளரவிக்கப்பட்டார்.

நிகழ்வின் துவக்கத்தில், ‘ராக்கிங் லேடீஸ் பேண்ட்’ குழுவினரின் இசை நிகழ்ச்சி மனதுக்கு இதமாக அமைந்தது.

சங்க உறுப்பினர்களுக்கு தீபாவளி பரிசுப் பொருட்கள் வழங்கப்பட்டு விழா இனிதே நிறைவடைந்தது.

Latest articles

போலியோ முதல் HPV வரை: பொது சுகாதாரப் பணியைத் தொடரும் ரோட்டரி கிளப் ஆஃப் மெட்ராஸ்!

தமிழ்நாடு முழுவதும் HPV தடுப்பூசி விழிப்புணர்வுக்கு பொது சுகாதாரத் துறை ஆதரவு; 2029 நூற்றாண்டுக்குள் 10 லட்சம் சிறுமிகளைப்...

உற்சாகம் களைகட்ட பிரமாண்டமாய் நடந்த ‘சேரநாட்டு யானைதந்தம்’ படத்தின் பாடல்கள் வெளியீட்டு விழா!

தியாழினி கிரியேஷன்ஸ் மற்றும் லத்திகா புரொடக்‌ஷன்ஸ் நிறுவனங்கள் தயாரிப்பில், இயக்குநர் பூலோகம் ரவி இயக்கத்தில், அறிமுக நாயகன் மும்பை...

அப்பா குட்டி சினிமா விமர்சனம்

ஒரு குழந்தையின் உயிரைப் காப்பாற்றுவதற்கான சிகிச்சையும் அதற்கு ஒத்துழைக்காத குழந்தையைச் சார்ந்தவர்களும் என பரபரக்கும் 'அப்பா குட்டி.' ஆதரவற்ற குழந்தையை...

ஆகாயத்தில் ஒரு தாரகை சினிமா விமர்சனம் 

குடும்பத்தோடு பார்ப்பதற்கான எல்லா தகுதிகளையும் கொண்ட படம். கணவர் துல்கர் மனைவி சாத்விகாவின் விண்வெளிக்கு செல்ல வேண்டும் என்ற லட்சியத்தை...

More like this

போலியோ முதல் HPV வரை: பொது சுகாதாரப் பணியைத் தொடரும் ரோட்டரி கிளப் ஆஃப் மெட்ராஸ்!

தமிழ்நாடு முழுவதும் HPV தடுப்பூசி விழிப்புணர்வுக்கு பொது சுகாதாரத் துறை ஆதரவு; 2029 நூற்றாண்டுக்குள் 10 லட்சம் சிறுமிகளைப்...

உற்சாகம் களைகட்ட பிரமாண்டமாய் நடந்த ‘சேரநாட்டு யானைதந்தம்’ படத்தின் பாடல்கள் வெளியீட்டு விழா!

தியாழினி கிரியேஷன்ஸ் மற்றும் லத்திகா புரொடக்‌ஷன்ஸ் நிறுவனங்கள் தயாரிப்பில், இயக்குநர் பூலோகம் ரவி இயக்கத்தில், அறிமுக நாயகன் மும்பை...

அப்பா குட்டி சினிமா விமர்சனம்

ஒரு குழந்தையின் உயிரைப் காப்பாற்றுவதற்கான சிகிச்சையும் அதற்கு ஒத்துழைக்காத குழந்தையைச் சார்ந்தவர்களும் என பரபரக்கும் 'அப்பா குட்டி.' ஆதரவற்ற குழந்தையை...