சத்யராஜ், வெற்றி, எம்.எஸ்.பாஸ்கர், கோவை சரளா, சச்சு, பிராத்தனா, ஐரா ஆகியோர் முன்னணி கதாபாத்திரங்களில் நடிக்கும் புதிய படத்தின் படப்பிடிப்பு பூஜையுடன் துவங்கியிருக்கிறது.
அமெரிக்கா, மலேசியாவில் ஆவணப் படங்கள் எடுத்த அனுபவமுள்ள நரேந்திர மூர்த்தி இந்த படத்தை இயக்கி இயக்குநராக அறிமுகமாகிறார்.
டார்க் காமெடி கதையம்சத்தில் உருவாகவிருக்கும் இந்த படத்தின் படப்பிடிப்பு முழு வீச்சில் சென்னை மற்றும் பல இடங்களில் தொடர்ந்து நடைபெறவிருக்கிறது.
‘சேகர் ஜி புரொடக்ஷன்ஸ்’ சார்பில் இளையராஜா சேகர் தயாரிக்கும் இந்த படத்திற்கு, கோடியில் ஒருவன், குரங்கு பொம்மை படங்களில் பணியாற்றிய ஆர்.உதயகுமார் ஒளிப்பதிவு செய்கிறார். ஜெரார்டு ஃபெலிக்ஸ் இசையமைக்கிறார்.
‘அசுரன்’, ‘வடசென்னை’, ‘விடுதலை’ உள்ளிட்ட படங்களில் படத்தொகுப்பு பணியை கவனித்த ராமர் படத்தொகுப்பு செய்யவிருக்கிறார். நிர்வாக தயாரிப்பை செந்தில்குமார் கவனிக்கிறார்.