‘விக்டரி’ வெங்கடேஷ் நடிக்கும் 75-வது படம் ‘சைந்தவ்.’ இந்த படத்தில் அவரது கதாபாத்திரம் எப்படி இருக்கும் என்று ஏற்கனவே ரசிகர்களுக்கு தெரிவித்துவிட்ட நிலையில் படம் வரும் பொங்கல் பண்டிகையின்போது வெளியாகும் என அறிவித்திருக்கிறார்கள்.

வெங்கடேஷுக்கு பொங்கல் வெளியீடு எப்போதும் நல்ல வகையில் அமைந்து இருக்கிறது. மேலும் நீண்ட நாட்கள் பண்டிகை விடுமுறையை முழுமையாக பயன்படுத்திக் கொள்ளும் நோக்கில் படக்குழு இந்த முடிவை எடுத்திருக்கிறது.

சைந்தவ் அதிரடி சண்டை காட்சிகள் நிறைந்த ஆக்ஷன் திரைப்படமாக உருவாகி இருக்கிறது. தமிழ் சினிமாவில் முன்னணி நடிகராக இருக்கும் ஆர்யா, இப்படத்தில் ஸ்டைலிஷான கதாபாத்திரத்தில் நடித்து இருக்கிறார். பாலிவுட் நடிகர் நவாசுதீன் சித்திக், சைந்தவ் படத்தில் விகாஸ் மாலிக் கதாபாத்திரம் மூலம் டோலிவுட்டில் அறிமுகமாகிறார்.

இப்படத்தின் நாயகியாக ஷ்ரதா ஸ்ரீநாத் மனோயா என்ற கதாபாத்திரத்தில் நடித்துள்ளார். இவர்களுடன் ருஹானி ஷர்மா டாக்டர் ரேனுவாகவும், ஆன்ட்ரியா ஜெர்மியா ஜாஸ்மின் என்ற கதாபாத்திரத்திலும் நடித்துள்ளனர்.

ஹிட்வெர்ஸ் படத்தை இயக்கிய சைலேஷ் கொலானு இப்படத்தை இயக்கி இருக்கிறார். நிஹாரிகா என்டர்டெயின்மென்ட்’ வெங்கட் பொயனபள்ளி தயாரித்துள்ளார்.

படக்குழு:
எழுத்து, இயக்கம்: சைலேஷ் கொலனு
தயாரிப்பாளர்: நிஹாரிகா என்டர்டெயின்மென்ட் வெங்கட் பொயனபள்ளி
இசை: சந்தோஷ் நாராயணன்
இணை தயாரிப்பாளர்: கிஷோர் தல்லுர்
ஒளிப்பதிவாளர்: எஸ். மணிகண்டன்
படத்தொகுப்பு: கேரி பி.ஹெச்.
ப்ரோடக்‌ஷன் டிசைனர்: அவினாஷ் கொல்லா
வி.எஃப்.எக்ஸ். மேற்பார்வையாளர்: பிரவீன் காந்தா
நிர்வாக தயாரிப்பாளர்: எஸ். வெங்கடரத்னம்
விளம்பர வடிவமைப்பாளர்: அனில் மற்றும் பானு
மக்கள் தொடர்பு: வம்சி சேகர், சதீஷ் குமார்