விஷ்வந்த் முதன்மை பாத்திரத்தில் நடிக்க, ‘ஸ்டோரீஸ் பை தி ஷோர்’ அனிருத் வல்லப் தயாரிக்கும் புதிய படம் ‘ராக்கெட் டிரைவர்.’ அறிமுக இயக்குநர் ஸ்ரீராம் அனந்த சங்கர் ஃபேண்டசி, டிராமா – காமெடி என்டர்டெயினர் கதையம்சம் கொண்ட படமாக இயக்குகிறார். கதையை அக்ஷய் பொல்லா, பிரசாந்த் எஸ் மற்றும் ஸ்ரீராம் அனந்த சங்கர் இணைந்து எழுதியிருக்கிறார்கள்.
தேசிய விருது வென்ற நாக விஷால், காத்தாடி ராமமூர்த்தி, சுனைனா, ஜெகன் மற்றும் பலர் முக்கிய வேடங்களில் நடிக்கின்றனர்.
தான் செய்த தவறுகளால், தனது வாழ்க்கை ஏமாற்றம் நிறைந்த ஒன்று என புலம்பி வரும் ஆட்டோ ஓட்டுநர், உலகையே மாற்ற வேண்டும் என்ற கனவு கொண்டிருக்கிறார். எனினும், இது தொடர்பாக அவரால் எதுவும் செய்ய முடியவில்லை. இந்த நிலையில், தனது ரோல் மாடலை அவரது 17-வயதில் காண்கிறார். அப்போது அரங்கேறும் விசித்திர சம்பவம் விபரீதத்தில் முடிகிறது. இதைத் தொடர்ந்து நடைபெறும் சம்பவங்களே இப்படத்தின் கதை.
படத்தை வரும் ஆகஸ்ட் மாதம் வெளியிட படக்குழு திட்டமிட்டு வருகிறது.
படக்குழு:
இசை: கௌஷிக் கிரிஷ்
ஒளிப்பதிவு: ரெஜிமல் சூர்யா தாமஸ்
படத்தொகுப்பு: இனியவன் பாண்டியன்
கலை இயக்கம்: பிரேம் கருந்தாமலை
ஆடை வடிவமைப்பு: ஷில்பா ஐயர்
டி.ஐ.: சுரேஷ்
தயாரிப்பு நிர்வாகி: செல்வேந்திரன்
ஒலி வடிவமைப்பு: சங்கரன், சித்தார்த்தா
ஒலிக் கலவை: அரவிந்த் மேனன்
விளம்பர வடிவமைப்பு: ஸ்ரீ ஹரி சரண்