அர்ஜுன் தாஸ், அதிதி ஷங்கர் முதன்முதலாக இணைந்து நடிக்க, அறிமுக இயக்குநர் விக்னேஷ் ஸ்ரீகாந்த் இயக்கியுள்ள படத்திற்கு, ‘ஒன்ஸ்மோர்’ என பெயரிட்டுள்ள டீசரையும் வெளியிட்டுள்ளது படக்குழு. அர்ஜுன் தாஸின் பிறந்தநாளை முன்னிட்டு இந்த டீசர் வெளியாகியுள்ளது.
‘ஹிருதயம்’, ‘குஷி’, ‘ஹாய் நன்னா’ ஆகிய படங்களுக்கு இசையமைத்து பான் இந்திய அளவிலான இசையமைப்பாளராக உயர்ந்திருக்கும் ஹேஷாம் அப்துல் வஹாப், ‘ஒன்ஸ்மோர்’ திரைப்படத்திற்கு இசையமைக்கிறார். தனித்துவமான இசை மற்றும் உணர்வுபூர்வமான பின்னணி இசை மூலம் ரசிகர்களை கவர்ந்தவர் இசையமைப்பாளர் ஹேஷாம். இவர் இசையில் உருவான பாடல்கள் இணையத்தில் வெளியாகி பல மில்லியன் பார்வையாளர்களை கடந்து சாதனை படைத்திருக்கிறது. மலையாளம், தெலுங்கு ஆகிய மொழி திரைப்படங்களுக்கு இசையமைத்த இவர், ‘ஒன்ஸ்மோர்’ படத்தின் மூலம் தமிழ் திரையுலகிற்கு இசையமைப்பாளராக அறிமுகமாகிறார். இதனால் இந்தப் படத்தின் பாடல்களுக்கும், ஆல்பத்திற்கும் இசை ரசிகர்களிடையே பெரும் எதிர்பார்ப்பு ஏற்பட்டிருக்கிறது.
அரவிந்த் விஸ்வநாதன் ஒளிப்பதிவு செய்திருக்கிறார். ராஜ்கமல் கலை இயக்கத்தை கவனிக்க நவா ராஜ்குமார் ஆடை வடிவமைப்பாளராக பணியாற்றியுள்ளார். இந்த படத்தை பொழுதுபோக்கு படைப்பாக ‘மில்லியன் டாலர் ஸ்டுடியோஸ்’ யுவராஜ் கணேசன் தயாரித்திருக்கிறார்.
படத்திற்கு பெரியளவில் எதிர்பார்ப்பு உருவாகியுள்ளது.