‘பிக்பாஸ்’ ஷாரிக் ஹாசன் கதாநாயகனாக நடிக்க், கிளாப் இன் ஃபில்மோடெயின்மென்ட் நவீன் குமார் தயாரிப்பில், சாய் ரோஷன் கே.ஆர். எழுதி, இயக்கியிருக்கும் திரில்லர் திரைப்படம் ‘நேற்று இந்த நேரம்.’

இந்த படம் வரும் மார்ச் 29-ம் தேதி உலகமெங்கும் திரையரங்குகளில் வெளியாகவிருக்கிறது.

இந்த படத்தில் ஹரிதா, மோனிகா ரமேஷ் என இரண்டு கதாநாயகிகள் நடித்துள்ளனர். கதை, திரைக்கதை மற்றும் வசனத்தை நித்தின் ஆதித்யா, சாய் ரோஷன் கே.ஆர். இணைந்து எழுதியுள்ளனர்.

மர்மமான முறையில் காணாமல் போன நண்பர்களும், அதன் பின்னணியில் நடக்கும் திடுக்கிடும் சம்பவங்களும் கதையாக உருவாக்கி இருக்கிறார்கள். கிரைம் திரில்லர் பாணியில் சுவாரஸ்யமாக திரைக்கதை அமைத்து இருக்கும் இந்த படத்தின் படப்பிடிப்பு ஊட்டி மற்றும் சென்னையில் நடைபெற்றுள்ளது.

கெவின் என் இசையமைத்துள்ள இப்படத்திற்கு விஷால் மணிவண்ணன் ஒளிப்பதிவு செய்துள்ளார். படத்தொகுப்பு பணிகளை கோவிந்த்.ந மேற்கொண்டுள்ளனர். நேற்று இந்த நேரம் படத்தின் இசை உரிமத்தை ஜீ மியூசிக் சவுத் வாங்கியுள்ளது. படத்தின் பாடல்களை இசையமைப்பாளர் ஜி.வி.பிரகாஷ், அறிவு, ஆதித்யா ஆர்.கே., ரவி ஜி ஆகியோர் பாடியுள்ளனர்.