கே.பி.தனசேகர் கதை, திரைக்கதை, வசனம் எழுதி இயக்கியுள்ள படம் ‘பூங்கா.’
இந்த படத்தின் பாடல்களை ஜாகுவார் தங்கம், விஜய் நடித்த லவ் டுடே படத்தின் இயக்குநர் பாலசேகரன், நடிகர் ஜாவா சுந்தரேசன் ஆகியோர் சிறப்பு விருந்தினர்களாக கலந்துக் கொண்டு பூங்காவில் வெளியிட்டனர்!
படம் பற்றி பேசிய இயக்குநர் ”பூங்கா’ என்பது வெறும் பொழுதுபோக்கு அல்ல. அது ஒரு வாழ்வியல். பலதரப்பட்ட மக்கள் ஒன்று கூடும் சங்கமம். சொர்க்கம் ஆகாயத்தில் இருக்கிறது என்பார்கள், பூங்காவை மண் மீதுள்ள சொர்க்கம் என்று சொல்லலாம்.
நாலு பசங்க பிரச்சனைகளோடு பூங்கா வருகிறார்கள். அங்கு அவர்களின் பிரச்சனை தீர்ந்ததா என்பதுதான்” என்றார்.
படத்தின் கதாநாயகன் கௌசிக்; கதாநாயகியாக ஆரா. அவர்களுடன் சசி தயா, பிரணா, பாலசுப்பிரமணியம், பூங்கா ராமு, திண்டுக்கல் மணிகண்டன், நோயல் ரெஜி, மேஜிக் சரவணகுமார், ஸ்மூல் ராஜா, சாய் ஜேபி, வரன் ஆகியோர் நடிக்கிறார்கள்.
படத்தை கே.பி.தனசேகர், பூங்கா ஆர்.ராமு லட்சுமி, கீதாஞ்சலி லெனினிய செல்வன் மூவரும் இணைந்து தயாரித்துள்ளனர்.
‘பூங்கா’ விரைவில் மண் மீது சொர்க்கமாக வெளியாகவிருக்கிறது.
ஒளிப்பதிவு – ஆர்.ஹெச்.அசோக், இசை – அகமது விக்கி, எடிட்டிங் – முகன் வேல், கலை – குணசேகர், சண்டைப் பயிற்சி -எஸ்.ஆர். ஹரி முருகன், நடனம் – சுரேஷ் சித், பிஆர்ஓ -கோவிந்தராஜ்