விதார்த், யோகிபாபு இருவரும் கதையின் நாயகர்களாக நடித்திருக்கும் படம் ‘குய்கோ.’ படத்தில் இளவரசு, முத்துகுமார், பிரியங்கா, துர்கா, வினோதினி வைத்தியநாதன் உள்ளிட்ட பலர் முக்கிய கதாபாத்திரங்களில் நடித்திருக்கின்றனர்.

விஜய் சேதுபதி நடித்த ‘ஆண்டவன் கட்டளை’ படத்தின் கதாசிரியர் அருள் செழியன், இந்த படத்தின் மூலம் இயக்குநராக அறிமுகமாகிறார்.

குடும்பங்கள் கொண்டாடும் விதமாக சென்சாரில் குய்கோ படத்திற்கு யூ சான்றிதழ் வழங்கப்பட்டுள்ளது. படம் வரும் நவம்பர் 24-ம் தேதி வெளியாகவிருக்கிறது.

படக்குழு:- ராஜேஷ் யாதவ் ஒளிப்பதிவு செய்துள்ள இந்த படத்திற்கு பிரபல பின்னணிப் பாடகர் அந்தோணி தாசன் இசையமைத்திருக்கிறார். ராம் பாண்டியன் படத்தொகுப்பை மேற்கொள்கிறார். சுப்ரமணியன் நாராயணன் தயாரிப்பு மேற்பார்வையாளராக பணிபுரிந்துள்ளார்.