தளபதி விஜய் ரசிகர்களை உற்சாகத்தின் உச்சத்துக்கு கொண்டு போகும் பக்கா மாஸ் கமர்ஷியல் எண்டர்டெய்னர்.

விஜய் முழுநேர அரசியல் பயணத்தைத் தொடங்குவதற்கு முன் நடித்த, அவரது திரைப்பயணத்தின் இறுதிப் படைப்பு என்பதால், உலகம் முழுக்க ரசிகர்களிடம் பெரும் எதிர்பார்ப்பை ஏற்படுத்திய படம். தெலுங்கு ‘பகவந்த் கேசரி’யின் ரீமேக்காகவும், 50% தமிழக அரசியல் களத்தை மையப்படுத்தியும் உருவாக்கப்பட்ட ‘ஜனநாயகன்.’

கதை முன்னாள் காவல்துறை அதிகாரியான நாயகனை (விஜய்) சுற்றியே நகர்கிறது. தனது பொறுப்பில் வளரும் ஒரு இளம் பெண்ணை (மமிதா பைஜு) தைரியமான, எதற்கும் அஞ்சாத ஒரு ராணுவ அதிகாரியாக மாற்ற வேண்டும் என்பதே நாயகனின் லட்சியம். ஆனால், அந்தப் பெண்ணோ பயந்த சுபாவம் கொண்டவராக இருக்கிறார்.

இன்னொரு பக்கம், கார்ப்பரேட் உலகில் அசைக்க முடியாத சக்தியாக, அதிகார பலம் கொண்ட வில்லன் (பாபி தியோல்) சமுதாயத்திற்கு எதிரான சதித்திட்டங்களை தீட்டுகிறார். ஒரு கட்டத்தில் வில்லனின் அநீதிகளால் நாயகனின் குடும்பமும், பொதுமக்களும் பாதிக்கப்படும் சூழல் உருவாகிறது. அந்தப் பெண்ணின் பயத்தைப் போக்கி அவளை எப்படி வீராங்கனையாக மாற்றுகிறார்? வில்லனின் கார்ப்பரேட் சாம்ராஜ்யத்தை விஜய் தனது அரசியல் மற்றும் அறிவுசார் சாதுரியத்தால் எப்படி வீழ்த்துகிறார்? ஒட்டுமொத்த சமுதாயத்திற்கும் அவர் வழங்கும் அரசியல் தீர்வு என்ன? என்பதே ‘ஜனநாயகன்’ படத்தின் மீதிக்கதை. இயக்கம் ஹெச் வினோத்

திரை முழுக்க விஜய்யின் ஒன் மேன் ஆர்மியாக இயங்கியிருக்கிறார். ஒவ்வொரு காட்சியிலும் முழு எனர்ஜியையும் வெளிப்படுத்தியுள்ளார். சண்டைக்காட்சிகளிலும், நடனத்திலும் வழக்கமான துள்ளல் தெரிகிறது. வசனங்கள், குறிப்பாக கடந்த தேர்தலுக்கு முந்தைய அரசியல் சூழலை சுற்றிச் சுழலும் வசனங்கள் வசனங்களைப் பேசும்போது தியேட்டர் அதிர்கிறது. மமிதா பைஜுவுக்கு வழிகாட்டும் தந்தை போன்ற கதாபாத்திரத்தில் முதிர்ச்சியான நடிப்பை வழங்கியுள்ளார்.

பிரகாஷ் ராஜ் வில்லத்தனத்தில் கெத்து காட்ட, ரேச்சல் ரெபேக்கா கண்ணனி சிலை முன் நடத்தும் ஆர்ப்பாட்டத்தில் அசத்தலான நடிப்பைத் தந்திருக்க, சுனில், ரேவதி, கெளதம் மேனன், நிழல்கள் ரவி, பிரியாமணி, டி ஜே அருணாசலம், நரேன், ஜி எம் சுந்தர், ஷ்ரத் ரவி, அர்ஷத் என நட்சத்திரக் கூட்டம் அதிகம்.

அனிருத்தின் படத்தின் மிகப்பெரிய பலம். விஜய் பிரேமில் வரும்போதெல்லாம் தெறிக்க விடுகிற அதிரடி இசை ரசிகர்களை குஷியாக்குகிறது. பாடல்களும் ஆட்டம் போட வைக்கின்றன. சண்டைக்காட்சிகள் அனல் பறக்கும் சம்பவங்களாக இருக்க, ஒளிப்பதிவின் தரம் படத்தின் பிரமாண்டத்தை அதிகரிக்கிறது.