ஃபேண்டஸி ஹாரர் காமெடி திரைப்படங்களுக்கு உலகம் முழுவதும் வரவேற்பு உண்டு. அந்த வரிசையில் இப்போது முற்றிலும் புதிய களத்தில் உருவாகி திரைக்கு வரவிருக்கும் படம் ‘ஹவுஸ் மேட்ஸ்.’
கதையின் நாயகனாக கனா, தும்பா போன்ற படங்களில் முதன்மை கதாபாத்திரங்களில் நடித்த தர்ஷன் நடிக்கிறார். முக்கியமான கதாபாத்திரத்தில் காளி வெங்கட் நடித்திருக்கிறார். அர்ஷா சாந்தினி பைஜூ, வினோதினி, தீனா, அப்துல் லீ, மாஸ்டர் ஹென்ரிக் ஆகியோர் முக்கிய வேடங்களில் நடித்திருக்கின்றனர்.
டிராஜவேல் எழுதி, இயக்கியிருக்கிறார். இவர் இயக்குனர் அஜய் ஞானமுத்துவிடம் இணை இயக்குநராகவும், சமீபத்தில் வந்து பெரும் வெற்றி பெற்ற டிமாண்டி காலனி 2 படத்தின் எழுத்தாளர் குழுவிலும் பணியாற்றி இருந்தார்.
படம் பற்றி படக்குழுவினர், ஒரு அபார்ட்மெண்டை சுற்றிலும் நடக்கும் சம்பவங்களின் தொகுப்பாகவும், மிடில் கிளாஸ் குடும்பங்களின் அன்றாட உணர்வுகளைப் பிரதிபலிக்கும் வகையிலும், படம் முழுக்க முழுக்க ஃபேண்டஸி, ஹாரர் என அனைவரும் விரும்பி பார்க்கும் வகையிலும் குடும்பமாக சென்று ரசிக்கும் வகையிலும் படமாக்கப்பட்டுள்ளது என்கின்றனர்.
படம் வரும் கோடை விடுமுறையில் வெளியாகவிருக்கிறது.
