கவுதம் ராம் கார்த்திக் கதாநாயகனாக நடிக்க Production No.5 என தற்காலிகமாக பெயரிடப்பட்ட புதிய படத்தின் படப்பிடிப்பு துவங்கியது. படத்தை அறிமுக இயக்குனர் சின்னசாமி பொன்னையா இயக்குகிறார். யுவன் சங்கர் ராஜா இசையமைக்கிறார்.
படப்பிடிப்பு கோவில்பட்டியில் துவங்கி தூத்துக்குடி, திருநெல்வேலி, தென்காசி, தேனி, பொள்ளாச்சி மற்றும் காஷ்மீர் ஆகிய பகுதிகளில் நடைபெற உள்ளது. படம் பற்றிய மற்ற விவரங்கள் விரைவில் வெளியாகும்.
தொடர்ந்து தனது நிறுவனத்தின் மூலம், பல திறமையாளர்களுக்கு வாய்பளித்து, வித்தியாசமான படங்களை தயாரித்து வரும் தயாரிப்பாளர் கண்ணன் ரவி மற்றும் தீபக் ரவி இணைந்து தயாரிக்கும் இந்த படம் மிக பிரமாண்டமான பொருட்செலவில் தயாரிக்கப்படுகிறது.
இதற்கு முன்னதாக பிரபுதேவா – வடிவேலு – யுவன் சங்கர் ராஜா கூட்டணியை அறிவித்து பெரும் எதிர்பார்ப்பை உருவாக்கியது என்பது குறிப்பிடத்தக்கது.