தமிழ் திரையுலகத்தில் 400க்கும் மேற்பட்ட திரைப்படங்களில் இசையமைத்து, தன் தித்திக்கும் இசையால் திரை உலகத்தையே கட்டி ஆண்ட அந்த தேனிசை தென்றல் தேவா அவர்கள் மறைந்து விட்டார் என்ற செய்தி நெஞ்சத்தை வாட்டுகின்றது. அந்த தேனிசை தென்றல் ஓய்ந்தது ஏன். அந்த திரையுலகத்தின் இசை தூண் சாய்ந்தது ஏன். தெரியவில்லை. நெஞ்சம் தாங்கவில்லை.

தமிழ் திரை உலகத்தின் சூப்பர் ஸ்டார் நம்முடைய ரஜினிகாந்த்தில் தொடங்கி, உலகநாயகன் கமல்ஹாசன் என்று அத்தனை முன்னணி நட்சத்திரங்களின் படங்களுக்கும் மட்டுமல்லாமல், எண்ணற்ற நட்சத்திரங்களின் படங்களுக்கு இசையமைத்து, அந்த படங்களை எல்லாம் ஜொலிக்க வைத்தவர். வெற்றி முத்திரையை பதித்து காட்டியவர். எந்த இயக்குனர் என்றாலும் அவர்களிடத்திலே எளிமையாக பழகக்கூடிய ஒரு இசையமைப்பாளராய், தயாரிப்பாளருக்கு கைகொடுக்கும் இசையமைப்பாளராய், வாழ்ந்து காட்டியவர் தான் தேவா.

என் மகன் சிலம்பரசன் நடித்த ‘தம்’ திரைப்படத்தில் ‘கலக்குவேன் கலக்குவேன்… கட்டம் கட்டி கலக்குவேன்’… என்று அத்தனை பாடல்கள் மூலம் கலக்கியவர், இன்றைக்கு கலங்க வைத்துவிட்டு சென்றுவிட்டாரே என்பதை நினைக்கும் போது நெஞ்சம் தாங்கவில்லை. அவரை இழந்து வாடக்கூடிய தமிழ் திரை உலகத்தினருக்கும், அவருடைய இல்லத்தாருக்கும், என்னுடைய ஆறுதலையும், ஆழ்ந்த இரங்கலையும் தெரிவித்துக் கொள்கின்றேன்.

அன்னாரின் ஆத்மா சாந்தியடைய வேண்டுமென்று எல்லாம் வல்ல இறைவனிடம் பிரார்த்தனை செய்கின்றேன்…

இப்படிக்கு,

தமிழ் திரைப்பட இயக்குனர்,

நடிகர்,

தமிழ் திரைப்பட தயாரிப்பாளர்,

திரைப்பட விநியோகஸ்தர்,

தமிழ்நாடு திரைப்பட

தயாரிப்பாளர்கள் சங்க தலைவர்

டி.ராஜேந்தர்