‘அங்காடித்தெரு’ மகேஷ் கதாநாயகனாக நடிக்க, மனிஷாஜித் கதாநாயகியாக நடித்திருக்கும் படம் ‘திமில்.’ ‘தமிழன் சினிமாஸ்’சார்பில் ‘களபம்’
எம்.சகுபர் அலி தயாரிக்க, எஸ்.காதர் இயக்கியிருக்கும் இந்த படத்தில், அருண்மொழிவர்மன், சேரன் ராஜ், கனி, ராஜா, சுமி,விநாயகமூர்த்தி, சேவியர் ஆகியோரும் நடித்துள்ளனர்.

தேனி மாவட்டம் மலைப்பகுதியில் இருக்கும் ஒரு கிராமத்தில் தன் பெற்றோர்களுடன்
வசித்து வருகிறான் பாண்டி. அதே ஊரில் இருக்கும் மலரை காதலித்து வருகிறான். அதே ஊரில் சட்டத்துக்கு புறம்பான தொழிலில் ஈடுபட்டிருக்கும் சிலரிடம் அவர்களை போன்று தவறான பாதையில் பயணிக்கிறான். அந்த விவரம் அறியாமல் மலர் அவனை தொடர்ந்து காதலித்து வருகிறாள். தவறின் உச்சத்துக்கு சென்ற பாண்டி, தன் காதலியின் வீட்டிற்கே சென்று தவறான செயல்களைசெய்கிறான். இது மலருக்கு தெரிய வருகிறது. முடிவில் அவள் பாண்டியை கண்டித்தாளா? தண்டித்தாளா? என்பதை சுவாரசியமாக சொல்லியிருக்கிறது இந்த படம்.

படத்தில் நான்கு பாடல்களும் இரண்டு சண்டைக் காட்சிகளும் இடம்பெற்றுள்ளன. கதையம்சத்தால் எதிர்பார்ப்புக்கு உள்ளாகியிருக்கும் இந்த படம் வரும் ஜூலை 19-ம் தேதி திரையரங்குகளில் வெளியாகவிருக்கிறது.

படைப்பில் பங்களிப்பு:-
தயாரிப்பு: களபம் எம்.சகுபர் அலி
கதை திரைக்கதை வசனம் இயக்கம்: எஸ்.காதர்
ஒளிப்பதிவு: வெங்கடேஷ் அர்ஜுன்
இசை: ஏ.கே ஆல்ட்ரின்
பாடல்கள்: கவின்பா, சிவக்குமார், திருப்பத்தூரான் சேவியர்
எடிட்டிங்: சுரேஷ் அர்ஸ்
நடனம்: தம்பி சிவா
சண்டைப் பயிற்சி: ஆர்.சக்தி சரவணன்
மக்கள் தொடர்பு: வெங்கட்