சுராஜ் வெஞ்சாரமூடு மலையாள திரையுலகில் நகைச்சுவை நடிகராக அறிமுகமாகி, சிறந்த நகைச்சுவை நடிகருக்கான கேரள மாநில விருதை மூன்று முறையும், 2016ம் ஆண்டில் சிறந்த நடிகருக்கான தேசிய விருதையும் வென்றவர். இவரின் நடிப்பில் வெளியான ‘ஆண்ட்ராய்ட் குஞ்சப்பன்’, ‘டிரைவிங் லைசன்ஸ்’, ‘ஜன கன மன’, ‘த கிரேட் இந்தியன் கிச்சன்’ ஆகிய படங்களிலும் இவரது தனித்துவமான நடிப்பு அனைத்து தரப்பு ரசிகர்களின் பாராட்டை பெற்றது. இதனைத் தொடர்ந்து இவர் முதன்முறையாக தமிழில் ‘சீயான் 62’ படத்தில் நடிக்கிறார்.
அவர் ‘சீயான் 62’ என தற்காலிகமாக பெயரிடப்பட்டுள்ள சீயான் விக்ரம் நடிக்கும் புதிய படம் மூலம் தமிழில் அறிமுகமாகிறார்.
‘சீயான்’ விக்ரம் மற்றும் எஸ்.ஜே. சூர்யா நடிக்க, எஸ். யு. அருண்குமார் இயக்கத்தில் உருவாகும் ‘சீயான் 62′ படத்தை ஹெச். ஆர். பிக்சர்ஸ்’ ரியா ஷிபு தயாரிக்கிறார். படப்பிடிப்பு வரும் ஏப்ரல் மாதத்தில் தொடங்கவுள்ளது.
‘சீயான்’ விக்ரம்- எஸ். ஜே. சூர்யா -சுராஜ் வெஞ்சாரமூடு என தேசிய அளவில் கவனத்தை ஈர்த்த விருது பெற்ற நட்சத்திர கலைஞர்கள் இணைந்திருப்பதால் இந்த படத்திற்கு ரசிகர்களிடத்தில் பெரும் எதிர்பார்ப்பு ஏற்பட்டிருக்கிறது.