எஸ்.கே. ஜீவா இயக்கத்தில், ஜெ எஸ் கே சதீஷ் குமார் தயாரிப்பில் பரபரப்பான திரில்லராக உருவாகிவரும் ‘குற்றம் கடிதல் 2’ படத்தின் படப்பிடிப்பு முழுமையாக நிறைவடைந்ததைத் தொடர்ந்து டப்பிங் பணிகள் தொடங்கியுள்ளது.

தற்போது படத்தின் அனைத்து தொழில்நுட்ப மற்றும் கலை சார்ந்த அம்சங்களும் மிகத் துல்லியமாக வடிவமைக்கப்படும் வகையில், போஸ்ட் புரொடக்ஷன் பணிகளில் படக்குழு முழு கவனம் செலுத்தி வருகிறது. படப்பிடிப்பின் போது பதிவான நடிப்பின் தீவிரமும் இயல்பும் குன்றாமல் இருக்க, அப்படத்தின் இயக்குநர் எஸ்.கே. ஜீவா டப்பிங் பணிகளை அவரே நேரடியாக மேற்பார்வை செய்து வருகிறார்.

படத்தில் பாண்டியராஜன், அப்பு குட்டி, பாலாஜி முருகதாஸ், தீபக், பாவல், பத்மன், பி.எல். தேனப்பன், சாந்தினி தமிழரசன், கீர்த்தி சாவ்லா, விஜி சந்திரசேகர், லவ்லின், ஜோவிதா லிவிங்ஸ்டன், ரோஷன் உள்ளிட்ட பலர் நடித்துள்ளனர்.

காட்சிகள் கேரளாவின் பல்வேறு பகுதிகளில், தமிழ்நாட்டின் கொடைக்கானல், தேனி, சிறுமலை மற்றும் அதைச் சுற்றியுள்ள இடங்களில் படமாக்கப்பட்டுள்ளது. படத்தின் டிரெய்லர், பாடல்கள் விரைவில் வெளியாகவுள்ளன.