குழந்தைகள் மட்டுமல்லாது பெரியவர்களும் ரசிக்கும்படியான படம் என்று சொல்லலாம். அப்படியான சாகசங்கள் நிரம்பிய அனிமேஷன் ஃபேண்டஸி படம். லின் ஹுயிடா இயக்கியிருக்கும்

ஒரு அடர்ந்த காடு, அந்த காட்டில் தாங்கள்தான் ராஜா என தங்களை நினைத்துக் கொண்டிருக்கும் பிரையர், பிராம்பிள் என்ற இரண்டு கரடிகள். அவர்களுடைய நண்பன் விக். அந்த மூன்று பேருக்கும் நியான் என்ற அரக்கனிடமிருந்து மாயாஜால சக்திகள் கிடைக்கிறது. அதன்மூலம் ஈவ் சிட்டி என்ற மாய உலகிற்குள் நுழைகிறார்கள். மூன்று பேருமாக சேர்ந்து, ஈவ் சிட்டியில் மனித குலத்தையும் உலகத்தையும் அழிக்கத் துடிக்கும் ‘ஷா’ என்ற கொடூரனின் சதியை முறியடிக்கிறார்கள்.

ஷாவின் பலம், அவனை வீழ்த்துவதற்கான முயற்சிகள் என பரபரக்கும் காட்சிகளும், அங்கு அவர்களின் உடலில் சில மாற்றங்கள் ஏற்படுவதும் படத்தின் படு சுவாரஸ்யமான அத்தியாயங்கள்.

தற்காப்புக் கலை சார்ந்த சண்டைக் காட்சிகளும் கேரக்டர்களுக்கு இடையிலான மோதல்களில் இருக்கும் நகைச்சுவைகளும் குழந்தைகளை பல மடங்கு குஷியாக்கும்.

விக்  கேரக்டருக்கு சியாவ் டான், பிரையர் கரடிக்கு பேட்ரிக் ஃப்ரீமேன், பிராம்பிள் ஜோசப் எஸ். லம்பேர்ட், நியான்நிக்கோலா வின்சென்ட் குரல் கொடுத்திருக்க, தமிழ் டப்பிங்கில் வசனங்களில் உள்ளூருக்கேற்ற மாறுதல்கள் செய்திருக்க கலகலப்பு அதிகரிக்கிறது.

படத்தின் இரண்டாம் பாதியில் ஒரே நேரத்தில் கலவையாக நடக்கும் பல சம்பவங்கள் சற்றே அலுப்பு சலிப்பை தருகின்றன. அதையெல்லாம் தாண்டி, மாய உலகத்தை ஆச்சரியமாக பார்க்க வைக்கும் VFX பங்களிப்பின் நேர்த்தி, 2D, 3D தொழில்நுட்ப அனிமேஷன் உருவாக்கம் என எல்லாமுமாக சேர்ந்து படத்தை பலமாக்கியுள்ளன.