டான்ஸ் மாஸ்டர் ராபர்ட் கதைநாயகனாக நடிக்கும் ‘செவல காள’ திரைப்படம்
மதுரையைக் களமாகக் கொண்டு வளர்ந்து வருகிறது. கதை,திரைக்கதை,வசனம் எழுதி இயக்கி வருகிறார்.
படத்தின் படப்பிடிப்பு மதுரை மேலூரில் பூஜையுடன் ஆரம்பமானது. தொடர்ந்து ஒத்தக்கடை, புது தாமரைப்பட்டி, இலங்கிப்பட்டி ஆகிய ஊர்களில் தொடர்ந்து நடைபெறவிருக்கிறது.
தனக்கு தவறு என்று பட்டால் அதை யார் செய்தாலும் அவர்களைத் தண்டிக்கத் தயங்காதவன் நாயகன். மதுரை அருகே ஒரு கிராமத்தில் வாழும் நாயகனின் அண்ணனை, ஊரையே தனதாக்கி தன் கட்டுப்பாட்டில் வைக்கும் ஊர் பெரிய பணக்காரர் அவமானப் படுத்த.. நாயகனான தம்பி களம் இறங்க.. அதன் பின் நடக்கும் சுவாரஸ்யமான காட்சிகள் தான் இந்த படம்.
வெளியூரில் இருந்து கிராத்துக்கு வரும் நாயகி ஆரம்பத்தில் நாயகனின் முரட்டுத்தனத்தை பார்த்து பயந்தாலும் அவனது குணத்தை அறிந்து அவனைக்காதலிக்க, அதற்கு எதிர்ப்பு எழ, நாயகன் வில்லனின் திட்டங்களை முறியடித்தாரா? காதலில் வெற்றி அடைந்தாரா? என்ற கேள்விகளுக்கு ஆக்ஷன், காதல், நகைச்சுவை, சென்டிமென்ட் ஆகிய அம்சங்களுடன் பதில் சொல்கிறது திரைக்கதை.
முரட்டு நாயகனாக டான்ஸ் மாஸ்டர் ராபர்ட் நடிக்க அண்ணனாக ஆரியன், ஊர் பணக்காரராக சம்பத் ராம், நாயகியாக மீனாட்சி ஜெய்ஸ்வால் நடிக்கிறார்கள்.
இயக்குநர் பால் சதீஷ் யாரிடமும் உதவியாளராக பணிபுரியாமல், குறும்படங்கள் இயக்கி இன்று சாதனைபடைத்து வரும் டைரக்டர் லோகேஷ் கனகராஜ் போல் குறும்படங்கள் இயக்கி, இப்போது திரைப்பட இயக்குநராகியிருக்கிறார்.