தமிழ்த் திரைப்படத் துறையில் ஒரு மிகப்பெரிய சாதனையாக, ‘டெவிலன்’ என்ற படம் உலக சாதனைப் புத்தகமான நோபிள் வேர்ல்ட் ரெக்கார்ட்ஸில் பெயர் பதிவு செய்யப்பட்டுள்ளது.
இந்த படம் 2025ம் ஆண்டு மே மாதம் 29ம் தேதி மாலை 4:01 மணிக்கு தொடங்கி, மே 31ம் தேதி மாலை 3:58 மணிக்கு திரையிடலுடன் முடிவடைந்தது. எனவே, மொத்தம் 47 மணி நேரம் 58 நிமிடங்களில் திரைக்கதை எழுதல், படப்பிடிப்பு, தொகுப்பு, ஒலி, பின்னணி இசை, கலரிங், சப்டைட்டில், மாஸ்டரிங், திரையிடல் உள்ளிட்ட அனைத்து படைப்பணிகளும் முடிக்கப்பட்டன. இதனுடன், திட்டமிட்ட 48 மணி நேர இலக்கை 3 நிமிடங்கள் முன்னதாகவே முடித்தும் சாதனை படைக்கப்பட்டது.
இந்த சாதனைக்கு நோபிள் வேர்ல்ட் ரெக்கார்ட்ஸ் அமைப்பு வழங்கிய சான்றிதழ் எண் IN24103366 எனும் எண்ணுடன் 2025 மே 31ம் தேதி அன்று பதிவானது. இந்த சாதனையை திருமதி ஹேமலதா தலைமையிலான குழு நேரடியாக கண்காணித்து, ஒவ்வொரு செயல்பாட்டையும் சான்று வழங்கும் முன் சரிபார்த்தது.
இந்த படம் ஒரே ஒரு வீட்டுக்குள் படமாக்கப்பட்ட மன அழுத்தம், பயம், ஏமாற்றம் ஆகிய உணர்வுகளை மையமாகக் கொண்ட மனோதத்துவ திகில் படைப்பு.
பிகாய் அருண் இயக்கியுள்ள இந்த படத்தில் கதாநாயகனாகவும், இணை தயாரிப்பாளராகவும் ந. ராஜ்குமார் சிறப்பாக நடித்துள்ளார். கார்த்திகா, இந்திரா, ஃபிரட்ரிக், பாலாஜி, தோர்தி கிர் மற்றும் சில புதிய முகங்கள் நடித்துள்ளனர். அனைவரும் குறுகிய நேரத்தில் சிறந்த நடிப்பை வழங்கியுள்ளனர்.
இயக்குநர் பிகாய் அருண் பேசியபோது, “டெவிலன் இயக்கிய அனுபவம் என் வாழ்க்கையில் மறக்க முடியாத ஒன்று. இது வேகத்தின் மட்டுமல்ல, கதையின் தரத்தையும் பிரதிபலிக்கிறது. நாங்கள் ஒவ்வொரு நொடிக்கும் தீவிர உழைப்புடன் செயல்பட்டோம்” என்றார்.
தயாரிப்பாளர் திருமதி பி. கமலக்குமாரி, “ஒரு பெண் தயாரிப்பாளராக இந்த சாதனையை அடைவது எனக்கு மிகுந்த உணர்ச்சி பொங்கும் தருணம். இது என் கனவின் நிறைவேற்பாகும்” என்றார்.
நடிகரும் தயாரிப்பாளருமான திரு ந. ராஜ்குமார், “டெவிலன் என்பது சீகர் குழுவின் வேகம், தரம், செயல்பாடு மற்றும் தாக்கத்தை உலகிற்கு காட்டும் ஒரு படம். இது தமிழ் சினிமாவின் புதிய அடையாளம்” என்றார்.
இந்த சாதனை திரைப்படத்தை சீகர் பிக்சர்ஸ் வழங்கியுள்ளது. இது நடத்தை பயிற்சி, தலைமைத்துவ மேம்பாடு, அனுபவபூர்வ கற்றல், மற்றும் வணிக ஆலோசனைகளுக்குப் பெயர் பெற்ற சீகர் குழுவின் நிறுவனத்தின் ஊடகத்துறையாகும். ந. ராஜ்குமார் அவர்களால் நிறுவப்பட்ட சீகர் குழுவின் இப்போது திரைப்படத் துறையிலும் தனது புதுமை மற்றும் சிறப்பின் விழுமியங்களைப் பிரதிபலிக்கிறது.
டெவிலனுக்கு முந்தைய படைப்புகளில், 2024 ஆம் ஆண்டு டிசம்பர் 6ம் தேதி வெளியான ‘தூவல்’ திரைப்படம், ஒரு காட்டை மையமாகக் கொண்டு நகரும் மற்றும் திகில் கலந்த கதை. படத்தில் நடிகர் ந. ராஜ்குமார் அவர்கள் முக்கிய கதாபாத்திரத்தில் சிறப்பாக நடித்துள்ளார். அவரது செயல்பாடும், கதையின் ஓட்டத்துடனான அவரது இயல்பான நடிப்பும், ரசிகர்களிடையே பெரும் வரவேற்பைப் பெற்றது.
அதனைத் தொடர்ந்து, 2025-ம் ஆண்டு ஜனவரி 3-ம் தேதி வெளியான ‘எக்ஸ்ட்ரீம்’ என்ற படம், தைரியம், கொலை மற்றும் மனித மன வலிமை ஆகியவற்றை மையமாகக் கொண்ட ஒரு த்ரில்லர் திரைப்படமாகும். இதில் கூடவும் திரு ந. ராஜ்குமார் அவர்கள் கதையின் நாயகனாக நடித்துள்ளார். இவரது நடிப்பு, படத்தின் உணர்வுப்பூர்வ பரிணாமத்தில் உயிரூட்டியதாக விமர்சகர்களும், ரசிகர்களும் பாராட்டினர்.
இவ்விரு திரைப்படங்களும் விமர்சகர்களிடமும், தமிழ் திரையுலக ரசிகர்களிடமும் நல்ல விமர்சனங்களும், உணர்வுபூர்வ வரவேற்பும் பெற்றன. ‘டெவிலன்’ என்ற உலக சாதனை படத்திற்கு ஒரு துணிச்சலான கலைத்தளத்தை ஏற்படுத்தியது.
இந்த படம் இன்று வெறும் ஒரு படமாக அல்ல; ஒரு உலக சாதனையாக, ஒரு படைப்பாற்றலின் சான்றாகவும், தமிழ் சினிமாவின் பெருமையை உலகிற்கு காட்டும் வழிகாட்டியாகவும் இருக்கிறது.
இந்த சாதனை தமிழ் சினிமாவின் வீரத்தையும், இந்தியர்களின் திறமையையும் உலகம் முழுவதும் நிலைநாட்டுகிறது.
இந்தபடம் திருமதி பி. கமலக்குமாரி மற்றும் திரு ந. ராஜ்குமார் ஆகியோரால் சீகர் பிக்சர்ஸ் நிறுவனத்தின் கீழ் தயாரிக்கப்பட்டது.
தொழில்நுட்பக் குழுவில், ஒளிப்பதிவை டி. ஜே. பாலா மேற்கொண்டார். இசையை கமல்ஜீத் சிங் வழங்கியிருந்தார். எடிட்டிங்கை பிரவீன் எம். செய்தார். ஒலி வடிவமைப்பை கரண் மற்றும் ஷிபின், மக்கள் தொடர்பு பணியை பெருதுளசி பழனிவேல் செய்தார்.