தமிழ் சினிமாவின் முன்னணி நடிகர் கார்த்தியின் பிறந்த நாளை முன்னிட்டு, அவர் நடிக்கும் ‘வா வாத்தியார்‘ படத்தின் ஃபர்ஸ்ட் லுக் வெளியானதில் ரசிகர்கள் உற்சாகமடைந்திருக்கிறார்கள்.
நலன் குமாரசாமி இயக்கத்தில் உருவாகி இருக்கும் ‘வா வாத்தியார்’ எனும் படத்தில் கார்த்தி கதையின் நாயகனாக நடித்திருக்கிறார். இவருடன் சத்யராஜ், ராஜ்கிரண், கிருத்தி ஷெட்டி, ஜி. எம். சுந்தர் உள்ளிட்ட பலர் நடித்திருக்கிறார்கள்.
இப்படத்தின் படப்பிடிப்பு பணிகள் விறுவிறுப்பாக நடைபெற்று, தற்போது இறுதி கட்டத்தை எட்டியுள்ளது. இந்நிலையில் படத்தின் ஃபர்ஸ்ட் லுக் வெளியிடப்பட்டிருக்கிறது. இதில் கார்த்தியின் தோற்றம் வித்தியாசமாக வடிவமைக்கப்பட்டிருப்பதால் ரசிகர்களிடத்தில் பெரும் எதிர்பார்ப்பை ஏற்படுத்தியிருக்கிறது. அதிலும் குறிப்பாக கார்த்தி காக்கி உடையும், கலர் கலரான கண்ணாடியையும் அணிந்து தோன்றுவதும், பின்னணியில் தமிழ் திரையுலகத்தின் சாதனை செய்து, இன்றும் மக்கள் மனங்களில் வாழ்ந்து கொண்டிருக்கும் ஜாம்பவான் எம்ஜிஆரின் வேடமணிந்து கலைஞர்கள் நிற்பதும்… படத்தை பற்றிய எதிர்பார்ப்பை எகிற வைத்திருக்கிறது.
படக்குழு:-
தயாரிப்பு: ஸ்டுடியோ கிரீன் கே. ஈ. ஞானவேல் ராஜா
ஒளிப்பதிவு: ஜார்ஜ் சி வில்லியம்ஸ்
இசை: சந்தோஷ் நாராயணன்
கலை இயக்கம்: டி. ஆர். கே. கிரண்
படத்தொகுப்பு: வெற்றி
சண்டை காட்சி: அனல் அரசு