விமல், சாம்பிகா டயானா, யோகிபாபு முதன்மைப் பாத்திரங்களில் நடிக்க அப்துல் மஜீத் தயாரித்து இயக்கி வந்த படத்தின் படப்பிடிப்பு நிறைவடைந்து, பட வெளியீட்டுக்கு முந்தைய பணிகள் துவங்கியுள்ளன.
இந்த நவீன உலகத்தில் எல்லாமே புரோக்கர் வழியாக என்றாகிவிட்டது. பல வகையான புரோக்கர்களின் வழியாகவே நம் அன்றாட வாழ்க்கை நடக்கிறது. அந்த புரோக்கர்களால் நிகழும் நல்லதும் கெட்டதும் கலந்த சம்பவங்களை, சிரித்து மகிழும் அருமையான திரைக்கதையாக கோர்த்து இந்த படம் உருவாகியுள்ளது.
முழுக்க முழுக்க காமெடி சரவெடியாக உருவாகியுள்ள இந்த படத்தில் எம்.எஸ். பாஸ்கர், ரவி மரியா, மொட்டை ராஜேந்திரன், ஜான் விஜய், சாம்ஸ், நமோ நாராயண், பேராசிரியர் கு.ஞானசம்பந்தன், பவர் ஸ்டார், ரங்கநாதன் ஆகியோரும் நடித்துள்ளனர்.
படப்பிடிப்பு சென்னை மற்றும் அதன் சுற்றுவட்டார பகுதிகளில் 55 நாட்களில் நடத்தி முடிக்கப்பட்டுள்ளது.
பெரியவர் முதல் குழந்தைகள் வரை அனைத்து தரப்பினரும் கொண்டாடும் வகையிலான கலக்கலான கமர்ஷியல் காமெடிப் படமாக இருக்கும்’ என படக்குழு நம்பிக்கை தருகிறது. படத்தின் டைட்டில், ஃபர்ஸ்ட் லுக், டீசர் விரைவில் வெளியாகும்.
படக்குழு:-
ஒளிப்பதிவு: கே. கோகுல்
எடிட்டிங்: ஏ.ஆர்.சிவராஜ்
இசை: பைஜூ ஜேக்கப், இ ஜெ ஜான்சன்
நிர்வாகத் தயாரிப்பு: மு. தென்னரசு, எம்.ரகு கிரியேட்டிவ் ஆர்கனைஸேசன்: பாஸ்கர்
மக்கள் தொடர்பு: வேலு