சிலம்பரசன் டி ஆர் கல்லூரி மாணவனாக நடிக்கும் புதிய படத்துக்கு தற்காலிகமாக STR49 என பெயரிடப்பட்டுள்ளது. அந்த படத்தின் பூஜை, படக்குழுவினருடன் திரைப்பிரபலங்கள் கலந்துகொள்ள, இன்று நடைபெற்றது.
விண்டேஜ் சிலம்பரசனை திரையில் மீண்டும் காணும் வகையில், கல்லூரி பின்னணியில் கலக்கலான கமர்ஷியல் படமாக இப்படம் உருவாகிறது.
பார்க்கிங் படம் மூலம் கவனம் ஈர்த்த இயக்குநர் ராம்குமார் பாலகிருஷ்ணன், மாறுபட்ட களத்தில், அனைத்து தரப்பினரும் ரசிக்கும் வகையில், கமர்ஷியல் கொண்டாட்டமாக இந்த படத்தை இயக்கவுள்ளார்.
நீண்ட இடைவேளைக்குப் பிறகு சிலம்பரசனுடன் சந்தானம் நடிக்கிறார். இளைஞர்களின் நெஞ்சம் கவர்ந்த நாயகி கயாது லோஹர் நாயகியாக நடிக்கிறார். வி டி வி கணேஷ் முக்கிய பாத்திரத்தில் நடிக்கிறார்.
பல முன்னணி நட்சத்திர நடிகர்களின் நடிப்பில் பல பிரமாண்ட படைப்புகளை உருவாக்கி வரும், டான் பிக்சர்ஸ் ஆகாஷ் பாஸ்கரன் மிகப்பெரும் பொருட்செலவில் இந்த படத்தை பிரமாண்டமாகத் தயாரிக்கிறார்.