தேசிய விருது பெற்ற அப்புக்குட்டி கதைநாயகனாக நடித்துள்ள ‘பிறந்தநாள் வாழ்த்துகள்’ படத்தின் படப்பிடிப்பு நிறைவடைந்துள்ளது. அதையடுத்து, படக்குழுவினர் இன்றைய காதலர் தினத்தில் படத்தின் பர்ஸ்ட் லுக் போஸ்டரை மிகவும் வித்தியாசமான முறையில் Valentine’s Day Cheers என வெளியிட்டுள்ளனர்.

மலையாளத்தில் விமர்சன ரீதியாகப் பலரின் பாராட்டுகளைப் பெற்ற ‘ஜிம்மி இ வீட்டின்ட ஐஸ்வர்யம்’, ‘ஐ ஆம் ஏ பாதர்’ என இரண்டு மலையாள படங்களை இயக்கிய ராஜு சந்திரா, தனது மூன்றாவது படைப்பாக இந்த தமிழ்ப் படத்தை எழுதி, இயக்கியுள்ளார்.

கிராமத்து எதார்த்த வாழ்வியல், காதல் காமெடி என ஜனரஞ்சக படைப்பாக இந்த படத்தின் கதைக்களத்தை உருவாக்கி இயக்கியதோடு, ஒளிப்பதிவும் செய்துள்ளார் ராஜூ சந்திரா.

மலையாள நடிகை ஐஸ்வர்யா அனில், இந்த படத்தின் மூலம் தமிழில் கதையின் நாயகியாக அறிமுகம் ஆகிறார். ஸ்ரீஜா ரவி, ரோஜி மேத்யூ முக்கிய கதாபாத்திரங்களில் நடித்துள்ளனர்.

படத்தை ‘பிளான் த்ரீ ஸ்டுடியோஸ் பிரைவேட் லிமிடெட்’ சார்பில் ரோஜி மேத்யூ, ராஜு சந்திரா இருவரும் தயாரிக்க, ‘மாதன்ஸ் குழுமம்’ இணைந்து தயாரித்துள்ளது. நவநீத் இசையமைக்க, கலை இயக்குநராக வினோத் குமார் பணிபுரிந்துள்ளார். மக்கள் தொடர்பு பணிகளை கோவிந்தராஜ் கவனித்து வருகிறார்.

படம் விரைவில் திரைக்கு வருகிறது.