‘சித்தா’வின் மாபெரும் வெற்றிக்குப் பிறகு சித்தார்த் நடிக்கும் ‘மிஸ் யூ’ என்ற படத்தை, ‘மாப்ள சிங்கம்’, ‘களத்தில் சந்திப்போம்’ உள்ளிட கமர்சியல் ஹிட் படங்களை இயக்கிய என்.ராஜசேகர் காதல், ஆக்சன், காமெடி என முழுநீள பொழுதுப்போக்கு படமாக இயக்குகிறார்.
நல்ல கதையும், புதுமையான திரைக்கதையும் அமைந்ததால் சித்தார்த் இந்த காதல் கதையில் நடிக்க ஒத்துக் கொண்டுள்ளார். தெலுங்கு, கன்னடத்தில் புகழ்பெற்ற ஆஷிகா ரங்கநாத் கதாநாயகியாக நடிக்கிறார்.
ஹீரோ, ஹீரோயினுக்கு மட்டுமே முக்கியத்துவம் கொடுக்கும் படமாக இல்லாமல், நகைச்சுவை மற்றும் அனைத்து நடிகர்களுக்கும் முக்கியத்துவம் வாய்ந்ததாக இப்படத்தைக் கலகலப்பாக வடிவமைத்துள்ளார் இயக்குனர்.
ஜே.பி, பொன்வண்ணன், கருணாகரன், நரேன், அனுபமா, ரமா, பாலசரவணன், ‘லொள்ளு சபா’ மாறன், சஸ்டிகா என பலரும் முக்கியப் பாத்திரங்களில் நடிக்கிறார்கள். பின்னணி இசைக்கு பேர் போன ஜிப்ரான் இப்படத்தின் பாடல்களுக்காக சிறப்பாக மெனக்கெட்டு 8 பாடல்களை வழங்கியுள்ளார்.
‘சதுரங்க வேட்டை’ போன்ற பல வெற்றிப்படங்களுக்கு ஒளிப்பதிவு செய்த கே ஜி .வெங்கடேஷ் இப்படத்திற்கு ஒளிப்பதிவு செய்கிறார்.
படத்தொகுப்பை தினேஷ் பொன்ராஜ் கவனிக்கிறார். தினேஷ் நடனம் அமைக்கிறார். களத்தில் சந்திப்போம், பேப்பர் ராக்கெட் போன்ற படங்களுக்கும் வெப்சீரீஸ்களுக்கும் வசனம் எழுதிய அசோக்.ஆர் இப்படத்தின் வசனங்களை எழுதியுள்ளதோடு, இயக்குநரோடு திரைக்கதை அமைத்துள்ளார்.
பிராண்டிங் மற்றும் டிஜிட்டல் மார்க்கெட்டிங் துறையில் தமிழ்நாட்டில் முன்னோடியாகத் திகழும் ‘7 MILES PER SECOND’ நிறுவனத்தின் சாமுவேல் மேத்யூ இந்த படம் மூலம் திரைப்பட தயாரிப்பாளராகியிருக்கிறார்.