மீனவ மக்கள் வாழ்க்கை பின்னணியில் மென்மையான முக்கோண கதையில் உருவாகும் திரைப்படத்தில், லிங்கேஷ், லண்டனைச் சேர்ந்த லியா நடித்துள்ளனர். இந்த படத்தின் படப்பிடிப்பு நிறைவடைந்து, பட வெளியீட்டுக்கு முந்தைய போஸ்ட் புரொடக்சன் பணிகள் தீவிரமாக நடைபெற்று வருகிறது.
திரைத்துறை மீதான தீராக்காதலிலும், ஆர்வத்திலும், 63 வயதில் தனது முதல் படமாக இப்படத்திற்கான கதையை எழுதி இயக்கியுள்ளார் ஜெயலட்சுமி. முதல் படம் என்றாலும் திரைத்துறைக்கு பழமையானவர்.
லண்டனிலிருந்து தமிழக கலாச்சாரத்தை ஆய்வு செய்ய இந்தியா வருகிறார் நாயகி லியா. மீனவ இளைஞனான லிங்கேஷ் மீது அவருக்கு காதல் வருகிறது. ஆனால் லிங்கேஷுக்கு அவரது மாமன் மகளுக்கும் திருமணம் நிச்சயிக்கப்பட்டுள்ளது. தடைகளைத் தாண்டி அவர்கள் காதல் நிறைவேறியதா? காதலர்கள் சேர்ந்தார்களா? என்பதுதான் படத்தின் கதை.
கபாலி, பரியேறும் பெருமாள் படங்களில் துணைக் கதாபாத்திரங்களிலும், ‘காலேஜ் ரோட்’ படத்தில் நாயகனாகவும் நடித்தவர் லிங்கேஷ். லியா பிரிட்டிஷ் நடிகை. அவர்களுடன் திவ்யா இரண்டாவது நாயகியாக நடித்துள்ளார். அறிமுக நடிகர் காட்பாடி ராஜன் வில்லனாக நடிக்க மதுசூதனன், மாறன், கஞ்சா கருப்பு, சித்தா தர்ஷன், செந்தமிழ் ஆகியோர் முக்கிய வேடங்களில் நடித்துள்ளனர்.
ப்படத்தின் ஃபர்ஸ்ட் லுக், டீசர் விரைவில் வெளியாகவுள்ளது.
படக்குழு:-
தயாரிப்பு, எழுத்து, இயக்கம் – Sky wanders Entertainment ஜெயலட்சுமி
நிர்வாக தயாரிப்பு – காட்பாடி ராஜன்
ஒளிப்பதிவு – மூடர்கூடம் டோனி ஜான்
இசை – சாண்டி சாண்டெல்லோ
எடிட்டிங் – தனி ஒருவன் கோபி கிருஷ்ணா
பாடல்கள் – கபிலன், சந்துரு, ஜெயலட்சுமி
பாடியவர்கள் – ஸ்வேதா மோகன், சைந்தவி, ஶ்ரீதர் சேனா, திலீப் வர்மன் ( மலேசியா ), அனிதா ஷேக்
மக்கள் தொடர்பு – வேலு