சூப்பர் ஸ்டார் ரஜினிகாந்த சிறப்புத் தோற்றத்தில் நடிக்க, அவருடைய மகள் ஐஸ்வர்யா ரஜினிகாந்த் இயக்கத்தில் உருவாகும் 3-வது படம் ‘லால் சலாம்.’
இந்த படத்தில் சூப்பர் ஸ்டார் ‘மொய்தீன் பாய்’ வேடத்தில் தோன்றுகிற செய்தியும் போஸ்டரும் சில மாதங்கள் முன் வெளியாகி பரபரப்பானது.
படத்தில் விஷ்ணு விஷால், விக்ராந்த் முக்கிய வேடங்களில் நடித்துள்ளனர்.
லைகா புரொடக்ஷன்ஸ் தயாரிக்கும் இந்த படம் வரும் 2024 பொங்கல் பண்டிகை வெளியீடாக திரைக்கு வருகிறது.
இந்த ஆண்டின் தொடக்கத்தில் ஹோலி பண்டிகையை முன்னிட்டு படத்தின் படப்பிடிப்பு திருவண்ணாமலையில் துவங்கியது. தற்போது படப்பிடிப்பு முடிவடைந்த நிலையில், போஸ்ட் புரொடக்ஷன் பணிகள் முழு வீச்சில் நடைபெற்று வருகிறது, சூப்பர் ஸ்டார் சமீபத்தில் தனது பகுதிகளுக்கான டப்பிங்கை முடித்துள்ளார்.
விஷ்ணு ரங்கசாமி ஒளிப்பதிவு செய்துள்ள இந்த படத்திற்கு ஏ.ஆர்.ரஹ்மான் இசையமைத்துள்ளார். பிரவின் பிரபாகர் படத்தொகுப்பு செய்துள்ளார்.