மஹத் ராகவேந்திரா, ஐஸ்வர்யா தத்தா முதன்மை கதாபாத்திரத்தில் நடித்திருக்கும் ரொமான்ஸ் காமெடி படம் ‘கெட்டவன்னு பேர் எடுத்த நல்லவன்டா.’
பிரபுராம்.செ இயக்கும் இந்த படத்தில் சாக்ஷி அகர்வால், யோகிபாபு, மொட்ட ராஜேந்திரன், நிழல்கள் ரவி, ஆதித்யா கதிர், தங்கதுரை, கூல் சுரேஷ், மற்றும் பலர் நடித்துள்ளனர்.
மஹத் வடசென்னையைச் சேர்ந்த ஃப்ரீவீலிங் இளைஞனான நடித்துள்ளார். பணக்கார குடும்பத்தைச் சேர்ந்தவராக ஐஸ்வர்யா நடித்துள்ளார். மஹத் வடசென்னைவாசியாக நடித்திருப்பது கதைக்கு கூடுதல் பலம் சேர்த்திருக்கிறது. மஹத், ஐஸ்வர்யா தத்தா இருவரின் ஆன் ஸ்கிரீன் கெமிஸ்ட்ரி நிச்சயம் ரசிகர்கள் மனதைக் கவரும்.
படத்தில் வில்லனாக வருகிற ஆதவ் சசி என்ற புதுமுக நடிகரின் சண்டைக் காட்சிகள் கவனம் ஈர்க்கும் விதத்தில் படமாக்கப்பட்டுள்ளது. அவருக்கான சண்டைக் காட்சிகளை தங்கலான்’ படத்தின் சண்டைப் பயிற்சியாளர் ஸ்டன்னர் சாம் செய்துள்ளார். யோகிபாபு மற்றும் மொட்ட ராஜேந்திரனின் காமெடி இந்தப் படத்தில் நிச்சயம் பேசப்படும்.
பின்னணி இசையை கார்த்திக் கிருஷ்ணன் உருவாக்கியிருக்கிறார். படத்தில் இடம்பெறும் மூன்று பாடல்களுக்கு தரண் குமார் இசையமைத்துள்ளார்.
மஹத், ஐஸ்வர்யா தத்தா ரொமான்ஸ் பாடல் நித்யஸ்ரீயின் குரலில் தரண் இசையில், கு. கார்த்திக் வரிகளில் அழகாக காட்சிப்படுத்தப்பட்டுள்ளது. யோகிபாபு மற்றும் கரடியின் காதல் பாடல் குழந்தைகளுக்கு பிடித்தமானதாக அமைந்துள்ளது.
இளமைத் துள்ளலோடு, நகர்ப்புற பின்னணியில் உருவாகியுள்ள இந்த படத்தின், டிரெய்லர் வெளியீட்டு விழா பெரியதிரை, சின்னத்திரை பிரபலங்கள் முன்னிலையில் நடைபெற்றது. விரைவில் படத்தின் பாடல்கள் வெளியாகவிருக்கிறது.
படக்குழு:-
தயாரிப்பு: வர்ணாலயா சினி கிரியேஷன்ஸ் ஃபேவின்ஸ் பால்
ஒளிப்பதிவு: இனியன் ஜே ஹாரிஸ்
பாடல் வரிகள்: லோகன் கு கார்த்திக்
படத்தொகுப்பு: பி. பிரவின் பாஸ்கர்
கலை: கிஷோர்
ஸ்டண்ட்: ஸ்டன்னர் சாம்
நடனம்: சசிகுமார்
மக்கள் தொடர்பு: சுரேஷ் சந்திரா